1 Yau napait Yoova pa poia tooni. I Uleeŋa tsiau ariaaŋa tau iponpoon ghau imin maet tiina.
2 I loolo isaghav ghau ve iuluul ghau.
3 Yei tamtamon to taan, nimin saa kaut poia, ta matam iŋgalŋgal ghei?
4 Yei tamtamon, lepoogh tsiei to taan, ene imin yaghur. Nileep rig, ve nisov.
5 O Yoova, ukaak sambam saamba ve uzilam.
6 Ugham lalaav iŋgal koiagŋa ve ireu zi.
7 Pataŋani tau aazne igham ghau ne, ene imin yaa ivot toman tapiri ve ighe izugh ghau gha nalaleg.
8 Zeran tawe, avozi karom.
9 O Maaron, yau aat nambou mbouŋ paaghu payo.
10 Pasaa, yo uluul yes kinik to yei Israela. Tauta tiliiv pa malmal.
11 Upaghau mbuzaagh maata payau, ve ugham mulin ghau ila yes nugh nugh tau tighur koi payau ne nimazi.
12 Maaron, ughur poia tsio izaa tsiei. Leso natmaiŋa paghpaaghu titum poi imin ai tau itum poi izaa izaa le imin tiina kat.
13 Ugham aniiŋ katini ivot ila uum tsiei, leso ruum tsiei to ghuruuŋ aniiŋ tivon pa aniiŋ maata maata.
14 Ve makau tsiei paam. Moroghooŋ eta igham zi sov.
15 Tamtamon tau ighe ŋgar tauvene ivot pazi, ene pale lolozi poia kat.