1 Yoova, yom Maaron To Ulib pa Ndimaronŋa Tisob.
2 Mboŋmaagh to naol ne, navovotia ŋgar tiom to lolom ineep tuŋia ila to tamtoghon tiom ve uluul di.
3 You narabrab gita ve kulele, ve namboumbou pa napait ghom.
4 Pasa, Yoova, uraat tiom igham lolog poia kat.
5 Yoova, uraat to yom ughamgham di, nene tintina kat.
6 Eemoghon yes kankanooŋa tighilaal maau.
7 Onoon, aazne ndiran samsamia tivot tinim naol tinimale kikiliiŋ samsamia to tisaas le tirau ndug.
8 O Yoova, yom uneep sala, ve ughamgham pooz irau sawa isob.
9 Onoon kat, koiamŋa to tighamgham ŋgar samia, yom pale ureu mbirisan di, ve tisob tilaledi.
10 Eemoghon you, yom upakur ghou, ve ugham tapirig ivot tiina inimale makau sagsag.
11 Yom utatan koiagŋa, ve tisami ila matag.
12 Eemoghon ndiran deŋiadi pale tineep pooi, ve ŋgar popoia katindi tivotvot ila lolodi inimale niu rabu.
13 Yes tinimale ai to tivazog di ila rumai patabuaŋ to Yoova dige.
14 Ve sawa to tinim ndolman watwaat, tapiridi inepneep sone, ve tighamgham ŋgar popoia tivotvot, tinimale ai papaghu to anoŋadi katindi. Yo 15:5
15 Ve tivovotia saveeŋ tovene tighaze: “Yoova iponpoon ghou inimale raŋ to izala kat.