1 Yoova, you nanumeer ghom, ve nayooŋ ilat tiom.
2 Yom utataghon ŋgar deŋia. Tovenen uul ghou, ve upas ghou navot pa pataŋani tiou tonene.
3 Yom Volaaŋa tiou ariaŋa. Uponpoon ghou pa koiagŋa unumale raŋ to izala kat.
4 Maaron tiou, ugham mulin ghou ila ndiran samsamia nimadi.
5 Yoova, you naghur matag payom pa uul ghou.
6 Sawa to naneep ila tinaŋ apo ve inim, you naneep ila nimam.
7 Ival tiina tigham ŋgar naol payou. Pasa, tighita ŋgar to ivotvot payou ne, le tighilaal katin ghom.
8 Tovenen mboŋmaagh ila le rabrab izi, lolog poia kat payom, ve avog ipapait izam pa tapirim ve poia tiom.
9 Aazne, nanim olman waat wa. Eemoghon ughita ghou nanimale mbeb samia to tamtoghon tipiyaava ilale ne malep.
10 Pasa koiagŋa tilup di, ve tikalkaal ataam pa tirab ghou namaat.
11 “Aa, Maaron ipul muri pani wa! Tataghoni ve takisi. Pasa, le tamtoghon eta pa iuuli maau.”
12 O Maaron, uneep saguan payou malep!
13 Koiagŋa to tiŋgal saveeŋ payou ne, ugham di mayadi, ve urab di le tisob.
14 Eemoghon you pale naghur matag payom irau sawa isob, ve nasaŋan ghom pa uul ghou.
15 Avog pale ivotia ŋgar tiom deŋia pa tamtoghon.
16 Yoova, yom upatooŋ tapirim ila uraat tintina. Tovenen you pale nala ve navotia uraat tiom tonenen pa tamtoghon, leso matadi iŋgali.
17 Sawa to pain ghou ve inim imuul aazne, yom upaghazoŋan ghou pa ŋgar tiom.
18 O Maaron, aazne nanim olman waat, ve moom iza pa dabag wa.
19 Maaron, tapirim ve ŋgar tiom deŋia, nene tiina le tiina kat. Izala izala le ikis sambam.
20 Onoon, yom upul pataŋani naol tivot, ve tiwaghamun ghou.
21 Ve yom pale upakur ghou, ve ugham izag ivot inim tiina,
22 Tovenen you pale narab gita, ve napait izam.
23 Pale nalool ve nambou pa napait izam.
24 Tovenen ndag to naol ne, mboŋmaagh ila le rabrab izi, you pale nasavia ŋgar tiom deŋia.