1 Yam to aneep irau taan isob, lolomim poia pa Maaron, ve alool ve apaiti.
2 Ambou ve apait iza pa tapiri ve poia toni.
3 Asaav pa Maaron aghaze: “Uraat tintina to yom ughamgham di, tamtoghon tighita di le timatughez.
4 Ve yes moghon maau. Tamtoghon to tineep tirau taan isob, pale tiput aghedi payom, ve timbou ve tipait ghom.
5 Anim aghita uraat to Maaron ighami.
6 Muuŋ, ye ivalag te, le pida ila pa ŋas, pida ila pa waan, ve taan mamaasa ivot.
7 Ye tapiri tiina kat. Pale igham pooz itaghoni taghoni gha ila.
8 Yam ndug ndug, apait Maaron tiei pa poia toni.
9 Pasa, ye to ikiskis ghiit taneep mataad iyaryaar.
10 Onoon kat, Maaron, yom utoov ghei pa pataŋani pida, leso ugham ghei niŋgalaaŋ ila matam, ninimale silva to tighuri ila yab, leso ighan muun ighau, ve iŋgalaaŋ kat. Yems 1:2+; 1Pe 1:7
11 Yom ugham ghei niŋgud malum tiom,
12 Yom upul koiamai tilib payei, ve karis todi to malmal tilaan tizala poghomai.
15 You pale nagham mbeb tubudi, ve narab di tinim watooŋrau payom, ve yab ighan suvun di.
16 Yam to amatughez pa Maaron ve ataghon ŋgar toni, asob anim ve alooŋ saveeŋ tiou tonene.
17 You nataŋ rorani pa ulaaŋ, ve avog ipaiti paam.
18 Sawa tonenen, inimale nakis ŋgar samia eta ineep ila lolog, tone Ŋgeu Tiina irau ilooŋ suŋuuŋ tiou maau. Yo 9:31; Yems 4:3; 1Yo 3:22
19 Eemoghon ye ighur taliŋa payou, ve ilooŋ suŋuuŋ tiou.
20 Tauto napait Maaron pa poia toni.