1 Maaron, muuŋ sawa to nditimbumai, yom ughamgham uraat tintina padi.
2 Yes ndug ndug to muuŋ tineep izi taan tonene, ila taum tapirim, yom undiir di tighau tila, ve ugham nditimbumai tinim tineep izi taan tonene, ve inim ledi kat.
3 Onoon, nditimbumai tigham malmal pa taan tonene.
4 Yoova, yom kinik tiou, ve Maaron tiou.
5 Ila taum tapirim, yei nitatan koiamai.
6 You nanumeer pane tiou maau.
7 Yom moghon to uluul ghei, ve ughamgham mulin ghei ila koiamai nimadi.
8 Maaron, yom uluul ghei, tauto moghon moghon nipapait ghom, ve lolomai poia payom.
9 Eemoghon aazne, yom upul murim payei, ve unum toman ndaaba tiei muul maau.
10 Yom ugham ghei tapirimai maau.
11 Yom ughur ghei nila nimadi ninimale sipsip to timbit di leso tirab di.
12 Yei tamtoghon tiom. Eemoghon aazne, ugholia ghei nila koiamai nimadi, ve ninim mbesooŋa padi.
13 Yes to tineep tigharau ghei, tighita ŋgar to ugham payei,
14 Yes ndug ndug to tiwatag ghom maau ne, tighita ghei ninimale mogheraaŋ.
15 Ndag to naol, mboŋmaagh ila le rabrab izi, tamtoghon tipamayaŋin ghou.
16 Pasa, tamtoghon tighita ŋgar to koiagŋa tiyati payou,
17 You nagham ŋgar naol naghaze pughu vena to yom upul pataŋani naol tonene tivot payei?
18 Yei nipul murimai payom maau.
19 Eemoghon yom uwaghamun ghei kat le ndug tiei ŋginiŋa inimale mbeb sagsagŋa inadi to nepooŋ.
22 Yei nimbesmbees pa yom moghon. Tauto mboŋmaagh ila le rabrab izi, koiamai tirabrab ghei nimatmaat.
23 Yoova, ugheen iraua! Umundig!
24 Pughu vena to uŋgooz matam payei?
25 Aazne, koiamai titatan ghei kat.
26 Maaron, umundig! Unum uul ghei lak!