1 O Yoova, you nanumeer ghom ve nayooŋ ilat tiom.
2 Ughur taliŋam pa suŋuuŋ tiou, ve rikia uul ghou!
3 Onoon kat. Yom Volaaŋa tiou ariaŋa. Yom uponpoon ghou unumale raŋ to izala kat. Ve unum ruum ariaŋa pa nayooŋ ila lolo.
4 Ughita liis to koiagŋa tighuri payou, ve upaghau ghou pani. Pasa, yom to unum inag to yoŋgaaŋ.
5 Yoova, yom Maaron to utataghon saveeŋ mbuaaŋ tiom.
6 You nanumeer Yoova moghon.
7 You tinig iza ve lolog poia payom. Pasa, lolom ineep tuŋia ila to tamtoghon tiom ve uluul di.
8 Yom upul ghou nala koiagŋa nimadi maau.
9 Yoova, you mbesooŋa tiom. Lolom isamin ghou ve uul ghou lak!
10 Lolog ipataŋan kat ve nayakyak irau sawa isob.
11 Koiagŋa tisob tigham ŋalalaŋ payou.
12 Tamtoghon matadi iŋgal ghou muul maau. Tighita ghou nanimale namaat wa.
13 You nalooŋ ival tiina tikakamuun payou.
14 Eemoghon Yoova, you nanumeer ghom.
15 Sawa to naneep izi taan, sa mbeb ma ŋgar to ighaze ivot payou, you naneep ila nimam.
16 You mbesooŋa tiom.
17 Yoova, you nataŋ roran ghom pa ulaaŋ.
18 Upoon avodi. Pasa, yes ndiran to kaarom.
19 O Yoova, poia tiom, nene tiina le tiina kat.
20 Yom uŋgooz di tila digem.
21 You napait Yoova pa poia toni.
22 Papazogi, you namatughez naghaze Yoova indiir ghou naghau pa mata wa.
23 Yam tamtoghon to Yoova to lolomim ineep tuŋia ila toni ve ataghon ataam toni, aghur lolomim pani kat.
24 Tovenen yam to anumeer Yoova ve aghurghur matamim pani, amatughez malep.