1 O Yoova, pughu vena to uyoon saguan payou ve uul ghou maau?
2 Ndiran samsamia tipapait taudi, ve tinanaan yes mbolaaŋa to tirau mbeb eta maau.
3 Ndiran samsamia tipakur taudi pa ŋgar samia to tighamghami.
4 Ndiran samsamia tonowen, tipakur taudi pa ŋgar todi. Tauto lolodi pa tiwatag Maaron maau.
5 Ve moghon moghon, uraat todi ilaan poia moghon.
6 Ve matadi iŋgal tighaze: “Mbeb eta irau igham ghei ruŋamai iza ne maau.
7 Saveeŋ samsamia naol, toman kaarom, ve matughezaaŋ ivotvot ila avodi irau sawa isob.
8 Yes tiyoŋyooŋ ila ndug dige, ve tisasaŋan tamtoghon popoiadi.
9 Yes tiyoŋyooŋ ve tisasaŋan tinimale laion to ineep ila su lolo ve mata ivotvot.
10 Tovenen neneeŋadi ve tisasaŋan pa tisavag di.
11 Ve matadi iŋgal tighaze: “Maaron mata inim payei maau.
12 Oyai, Yoova, umundig upatooŋ tapirim padi lak!
13 Maaron, pughu vena to yom upul ndiran samsamia tiveleg ghom?
14 Eemoghon Maaron, yom ughita ŋgar tisob to tigham di ne.
15 Eemoghon ndiran samsamia to tighamgham didiaaŋ, urab matin tapiridi.
16 Yoova, ye kinik tiina to ighamgham pooz. To aazne, ve itaghoni taghoni gha ila.
17 O Yoova, yes to tinumeer ghom ve timbadbaad pataŋani, yom uwatag lolodi wa.
18 Yes parooŋa ve yes to koiadi tighur pataŋani padi, yom taum pale uyoon padi ve uul di, ve ughur atia pa koiadi.