1 Yakop isavsaav toman Yosep le isob, ghoro ipoi ndinatu pida tinim, ve isaav padi ighaze: “Anim agharau ghou. Leso navotia mbeb to muri pale ivot payam.
2 Yam Yakop ndinatu, tamamim Israel to you.
3 Ruben, yom natug aidaba.
4 Eemoghon yom irau uŋgin taum maau. Yom unumale yawaaŋa to ivot toman tapiri tiina.
5 Simeon yesuru tazi Levi, ŋgar todi raraate.
6 Tovenen lolog pa ŋgar todi maau, ve lolog pa lupuuŋ toman di maau.
7 Maaron tau pale ighur pataŋani iŋarua di.
8 Yuda, nditogham ve nditazim pale tipait izam.
9 Yuda, yom unumale laion paghu to tapiri tiina ve tamtoghon timatughez pani.
10 Yuda toman papaghu toni pale tikis titi to kinik,
13 Zebulun papaghu toni pale tineep tigharau te, ve ledi soso poia pa waaŋ tilooŋ tila.
18 O Yoova, you nasaŋan ghom pa ugham mulin ghou.
19 Gat papaghu toni koiadi pale tinim pa tireu di.
20 Taan to Aser pale ŋgoreeŋa tiina, ve aniiŋ popoia naol to kinik lolodi pani, titub ila.
21 Naptali, papaghu tiom pale tinim mekmek sagsag to tilaghlaagh sorok titaghon taudi lolodi,
22 Yosep papaghu toni pale tinimale ai vaen to iyoon igharau ya,
23 Yosep koia tipamundigin malmal pani, ve tinaana tighaze tivanegi imaat.
24 Pasa, Maaron ariaŋa to Yakop, ye ŋginiiŋ to yes Israela, ve inim inadi ariaŋa to yoŋgaaŋ.
25 Yosep, Maaron to tamam pale iuul ghom.
26 Yom tamam you. Poia to Maaron ighuri iza tiou, nene tiina kat.
27 Benyamin, ye inimale ŋgavuun sagsag to pitoola ve ilaghlaagh.
28 Nenen yes Israela rumai todi saaŋgul ve ru. Sawa to tamandi Yakop ighaze imaat, ye ighur poia to Maaron iza todi. Ve saveeŋ to ye isavia pa ndinatu, nene: deŋia pa yes eŋaeŋa.
31 Pasa, yaam saambu tonowen, to tighur Abaram yesuru azuwa Sara, ve Isak yesuru azuwa Rebeka tilooŋ tila. Ve you naghur azuwag Lea ana ilooŋ ila paam.
32 Tovenen yaam saambu to Abaram igholi ila to yes Hita, you naghaze aghur ghou nalooŋ nala nagheen tonowe paam.”
33 Olman Yakop ighur saveeŋ izi to ndinatu le isob, ghoro iyoot aghe izala ina to ghenooŋ, iyavan, ve imaat.