1 ⵓⴰ ⵏⴾ ⵀⵍⵙ ⵎⵙⵏ ⵏⵎⵤⵍ ⵏ⵿ⵗⵢⵙⴰ ⵍⵎⵙⵈ ⵙ ⵜⵔⴹⵓⵜ ⵏⵎⵛⵏⴰ ⵏⴾ ⴹⵎⴹⵏⵏ ⴹⵗ ⵤⴶⵤⵏ ⵜⵎⵜⵢ ⵏⵏⵏ ⵂⵍⵏⵏ
2 ⴾⵍⴾⵍⵙⵢⴰ ⵓⵏ ⵂⵏⵏ ⵜⵔⵢⵜ ⵏⵎⵛⵏⴰ ⵏⵎⵏⴾⵏ ⴹⵗ ⵙⵎ ⵏ⵿ⵗⵢⵙⴰ ⵍⵎⵙⵈ ⵎⵙⵏⵏ ⵎⴹⵓⵏⵏⴰ ⵏⵍⵗⴹⵍⵏ ⵙⵔⵙ⵰ ⵤⵤⵀⵜⴹⵓ ⴼⵍⵓⵏ ⵎⵛⵏⴰ ⵀⵏⵏⴰ ⵍⵈⵔ ⴹⵔⵈⵎⵜ⵰
3 ⴼⵓ ⴹⴰ ⴹⵗ ⵜⵓⵜⵔⵓⵏⵏⴰ ⵏⵜⴶⴹⵢⵓⵏ ⵢ ⵎⵛⵏⴰ ⴹⵢ ⵏⵀⴰ ⵏⵎⵍⵏⵏⴰ ⵗⵢⵙⴰ ⵍⵎⵙⵈ
4 ⴼⵍⵙ ⵏⵙⵍⴰ ⵤⴶⵤⵏ ⵓⴰ ⵜⴶⵎ ⵙ ⵗⵢⵙⴰ ⵍⵎⵙⵈ ⴹⵙⴾⵏⵏⵓⵏ ⵜⵔⴰ ⵢⵢ ⵜⵍⵏ ⵤⴶⵤⵏ ⵙⵔⵙ⵰
5 ⵤⴶⵤⵏ ⵓⴰ ⴹⵜⵔⴰ ⵜⴰ ⵔⵓⵜⵏ⵿ⴹⵓ ⵜⵎⴰ ⵓⴰ ⵜⴶⵎ ⴹⵗ ⵎⵛⵏⴰ ⵏⵓⴰ ⴹⵓⵏⵙⵏ⵿ⵙⴰ ⴹⵗ ⵍⵌⵏⵜ⵰ ⵜⵎⴰ ⵓⴰ ⵜⴶⵎ⵿ⵜⵓ ⵤⵍ ⵓⴰ ⴾⵓⵏ⵿ⴹⵓⴹ ⵍⵏ⵿ⵌⵍ ⵎⵙⵏ ⵙⵍⵏ ⵓⵏ ⵜⴹⵜ ⵏ⵿ⵗⵢⵙⴰ ⵍⵎⵙⵈ⵰
6 ⵍⵏ⵿ⵌⵍ ⵓⴰ ⴶⵓⵏ ⴹⵙⴰ ⴹ ⴹⴶⴰ ⴼⵍ ⴹⵏⵜ ⴾⵜⵏⵜ⵰ ⵏ⵿ⵜⴰ ⵙⵎⵜⵢⵏ ⵍⵈⵍⵏ ⵏⵢⵜⴹⵏ ⵙⵍⵗ ⵜⵜⵢⵏ ⵎⵤⴶⵤⵏ ⵙⵔⵙ⵰ ⵎⴾ ⵓⴰ ⴹⴰ ⴹⵗⵓⵏ ⴶⵏ ⴾⵓⵏⵢ ⴹⴰ ⴹⵀⵤⵏ ⵗⵔ ⵤⵍ ⵓⴹ ⵜⵙⵍⵎ ⵢ ⵙⵍⵏ ⵏⵔⵈⵎⵜ ⵏⵎⵛⵏⴰ ⵙ ⵜⴹⵜ ⵜⴶⵔⵓⵎ ⴶⵔⵏⵜ⵰
7 ⵀⴼⵔⵙ ⵎⵍⵍⵏⵏⴰ ⵏⵎⵔⵏⵏⴰ ⵏ⵿ⵜⴰ ⴾⵓⵏⵙⵙⵏⵏ ⵙⵍⵏ ⵓⵏ⵰ ⵎⵙ ⵎⴶⵢ ⵏ⵿ⵙⵍⵏ ⵏⵍⵗⴹⵍ ⵏⵍⵎⵙⵈ ⵢⵓⵏ
8 ⵏ⵿ⵜⴰ ⴹⵏⵗⵎⵍⵏ ⵜⵔⴰ ⵜⴰ ⴶⴰ ⵏ⵿ⴼⵙ ⵤⴹⴶⵏ ⵏⵎⵛⵏⴰ ⴹⵗ ⵓⵍⵏⵓⵏ⵰
9 ⴹⵢ ⴹⴰ ⴼⵍⵙ ⴾⵓⵏⵙⵍⴰ ⵏⵜⵜⵔⵓⵏ ⵙ ⵎⵛⵏⴰ⵰ ⵏⴶⵎⵢ ⴹⵗⵙ ⴾⵓⵏⴾⵏⵓ ⵙⵙⵏ ⵏ⵿ⵜⵔⵏⵜ ⵙⴾⵓⵏⴾⴼⵓ ⵙⵏ⵿ⴼⵙ ⵓⴰ ⵤⴹⴶⵏ ⵜⵢⵜⵢ ⴾⵍ ⴹⴶⵔⵢ⵰
10 ⵛⵓⵜⵔⵓⵏ ⵛⵏ ⵏⵜⴶⵏⵜ ⴼⵍ ⴹ ⵜⵍⵎ ⵍⵈⵍ ⵏⵎⵤⴶⵤⵏ ⵙⵏⵂⵍ⵿ⵜⵓ ⵎⵍⵢ ⵜⴶⵎⴰ ⴹ ⵜⵜⴶⵎ ⵎⵤⵍⵏ ⵍⵗⵏⵏ ⵜⵜⵜⵢ ⴹⵗⵓⵏ ⵎⵙⵏⵜ ⵏⵎⵛⵏⴰ
13 ⵏ⵿ⵜⴰ ⴹⵏⴹⴾⵙⵏ ⴹⵗ ⵍⵈⴾⵎ ⵏⵀⵍⵙ ⴹⵢ ⵎⵙⵏ ⵛⵢⵢ ⴶⵏⵗ ⴹⵗ ⵓⵏ ⵀⵔⵔⵏⵜ ⵗⵢⵙⴰ ⵍⵎⵙⵈ ⴾⵏⴰ ⵜⵔⴰ⵰
14 ⴹⵍⵍ ⵏⵀⵔⵔⵏⵜ ⴼⵍ ⵏⴶⵔⵓ ⵜⴹⵔⴼⵜ ⵜⵎⵙⵜ ⵜⵙⵔⴼ⵿ⵜ ⵏⵀⴾⴹⵏⵏⴰ⵰
15 ⵀⵔⵔ ⵓⴰ ⵛⵛⵍⵏ ⵏⵎⵛⵏⴰ ⵎⵙ
16 ⴼⵍⵙ ⵈⵍⴾ ⵙⵔⵙ ⴹⴶⴰ ⵎⵛⵏⴰ ⵔⵜⵏ ⴾⵍ
17 ⵗⵢⵙⴰ ⵍⵎⵙⵈ ⵏ⵿ⵜⴰ ⵎⵏⵜ ⵍⵢ ⴹⵜ ⵜⵈⵍⴾ ⴾⵍ
18 ⵏ⵿ⵜⴰ ⵎⵏⵜ ⵎⵙ ⵗⴼ ⵏⵍⴾⵏⵙⵜ
19 ⵔⵜⵏ ⴾⵍ ⵓⵏ ⵜⵓⵏⵏⵏ ⵙⵍⵎⵙⵈ ⴹⴰ
20 ⵎⵔⵏ ⴾⵏⴰ ⵜⵍⵙ ⵎⵏⵜ ⴹⵜⵈⵍⴾ ⴾⵍ
21 ⴾⵓⵏⵢ ⴹⴰ ⵙ⵿ⵜⵤⵔⵜ ⵜⵏⵎⴶⴶⵎ ⴹⵎⵛⵏⴰ ⵜⵎⵙⵎ ⵎⴶⵤⵔⵏⵜ ⵙⵔⴾ ⵏⵢⵜⵏⵓⵏ ⴹⵔⴾ ⵎⵤⵍⵏⵓⵏ⵰
22 ⵎⵛⵏ ⵎⵔⴹⴰ ⵙ ⵜⵎⵜⵏ⵿ⵜ ⵏⵀⵔⵔⵏⵜ ⴾⴼⵏ ⵎⵏⵜ ⵎⵛⵏⴰ ⴾⵏⵓⵏ ⴹⵎⵏⵜ ⴼⵍ ⴹⵜⵙ ⵜⵀⴹⴹⵎ ⵜⵎⵙⵎ ⵢⵜⴹⵏ ⵤⴹⴶⵏⵏ ⵓⵔ ⵏⵍⴰ ⵍⵂⵏ
23 ⴾⴹ ⵎⵙ ⵙ ⵜⴶⵍⵎ ⵜⵜⴼⵎ ⵤⴶⵤⵏⵓⵏ ⵜⵤⵤⵓⵎ ⴹⵗⵙ ⵎⵏⵓⵏ ⵜⵤⴾⵎ ⴹⵗⵙ ⵙⵙⵂⵜ ⵓⵔ ⵜⴾⵙⵎ ⵜⵎⴰ ⵓⴰ ⵜⴶⵎ ⵙ ⵜⵙⵍⵎ ⵢⵍⵏ⵿ⵌⵍ⵰ ⵍⵏ⵿ⵌⵍ ⵓⴰ ⵜⵎⵍⵏ ⵢⵢⵜⴹⵏ ⴾⵍ ⵏⴹⵏⵜ ⵏ⵿ⵜⴰ ⵙ ⵆⵍⴰ ⵏⴾ ⵀⵍⵙ ⵎⴶⵢ ⵏ⵿ⵙⵍⵏⵜ⵰
24 ⵎⵔⴹⴰ ⵙⴹⵓⵜ ⵢ ⵔⴾⵏⵢ ⵓⴰ ⵏⵢⴰ ⴼⵍⵓⵏ⵰ ⴼⵍⵙ ⵎⴾ ⵓⴰ ⵏ⵿ⵜⴰ ⵙ ⵙⴾⵙⵓⴰ ⵙ ⵜⵗⵙⵏⵏ ⴹⵗ ⴶⵏⴰ ⵓⵏⵏ ⵔⵜ ⵓⴰ ⴹⵏⵀⴰ ⴹⵗ ⵍⵗⵤⵀ ⵓⴰ ⵏⵢ ⵍⵎⵙⵈ ⴼⵍ ⵜⵗⵙⵏⵜ ⴹⵢ ⵜⵎⵙⵜ ⵍⴾⵏⵙⵜ ⵏⵍⴾⵎⵏⵜ⵰
25 ⵍⴾⵏⵙⵜ ⵜⴰ ⵏ⵿ⵜⴰ ⵙ ⵆⵍⴰ ⵎⵛⵗⵍⵏⵜ ⵙⵓⴰ ⴹⵔ ⵜⴶⴹⴰ ⵜⵏⵜⵏⵓⵏ ⵜⴰ ⴹⵙⴹⴼ ⵎⵛⵏⴰ⵰ ⵤⵎⵤⵍⴹⵓ ⴼⵍ ⴾⵓⵏⵗⵔⴹⵗ ⵙⵙⵏ ⵏⵓⵍⵏⵜ
26 ⵙⴹⵓⵏⵙⴼⴶⵗ ⵙⵔ ⵓⴰ ⵗⵀⵔ ⵍⵏ ⵙⵍⵏ⵰ ⵎⵛⵏ ⵎⵔⴹⴰ ⵙⵔ ⵓⴰ ⵜⵓⵙⵏⴼⵍⵍ ⵢ ⵓⵏ ⴹⵙⵍⴾⵎⵏⵏ
27 ⵏ⵿ⵜⵏⵢ ⵙ ⵔⴰ ⵎⵛⵏⴰ ⵜⵏⵙⵙⵏ ⴹⵗ ⴶⵜ ⵓⴰ ⴹⵔ ⴶⴹⴰ ⴹⴾⵍ ⵏⵙⵔ ⵓⴰ ⵆⵍⵏ ⵛⵎⵜⵓⵏ ⵏⴹⵏⵜ ⴾⵍ⵰ ⵙⵔ ⵓⴰ ⵎⵙ⵿ⵜⵓ ⵙ ⵍⵎⵙⵈ ⵗⵙⵔ ⴹⵗ ⵓⵍⵏⵓⵏ ⴹⵢ ⴹⴰ ⴼⵍⵙ ⵍⴾⵏ ⵙ ⴹ ⵜⵍⵎ ⵜⴹⴶⵔ⵿ⵜ ⴹⵗ ⵍⵈⵔⵎⴰ ⵏⵎⵛⵏⴰ⵰
28 ⵍⵎⵙⵈ ⵓⴰ ⵏ⵿ⵜⴰ ⵏⵎⵍ ⵏⴾⵏⵢ⵰ ⵏⵔⴾⵀ ⵛⵎⵤⴶⵏ ⵏⵓⴹⵏ ⴾⵍ ⵏⵙⵙⵗⵔⵢ ⵙ ⵜⵢⵜⵢ ⵜⵏ⵿ⴹⵜ ⴼⵍ ⴹ ⴾⵎⵍ ⴾⵢⵏ ⴹⵗ ⵜⵏⵎⵏⴾⴰ ⴹⵍⵎⵙⵈ⵰
29 ⴹⵗ ⵜⵔⴰ ⵏⴶⴹ ⵏⵔⵜ ⵓⴰ ⴼⵍ ⵙⵏⵂⵍⵗ ⵛⵗⵍ ⵙ ⵜⵔⵏⴰ ⵜⴰ ⴹⵜⴼⵍⵜ ⵍⵎⵙⵈ ⴹⵗⵢ ⵜⵜⵎⵜⴾⵓⵢⵜ ⵙⵙⵂⵜ ⵜⴶⵜ⵰