1 ⴹⴼⵔ ⵓⵏ ⴶⵗ ⵏ⵿ⴶⵍⵙ ⵢⵏ ⵍⵏ ⵜⵗⵎⵔ ⵓⵍⵏ ⵜⵤⵀⵜⴹⵓ ⴹⵗ ⵌⵏⵓⵏ ⵎⵍⵓⵍⵓ ⵎⴹⵍ ⴾⵜⵏⵜ ⵙⵏⵔ ⵏ⵿ⵜⵏⵢⵏⵜ⵰
2 ⵏⴰ ⵙⵎⵙⵍⵢ ⵙⵂⵏ ⵓⵍⵏ
3 ⵛⵎⵜⵓⵏ ⵏⴹⵏⵜ ⴾⵍ ⴹⵓⵏⵜ ⴹⵔⵙ
4 ⵜⵤⵔ ⵙⵍⵗ ⵢⵎⵙⵍⵢ ⵢⵏ ⵙ ⴹⴶⵎⴹ ⵌⵏⵓⵏ ⵏⴰ
5 ⴼⵍⵙ ⵀⴾⴹⵏⵜ ⴶⵍⵏ ⵂⵔ ⵓⴹⵏ ⵌⵏⵓⵏ
6 ⵔⵤⵎⵜⵙ ⵙⵎⴾ ⵓⵙ ⵔⵤⵎ
7 ⵎⴾ ⵓⵙ ⴹⴾⵍ ⵎⵏⵜ
8 ⵓⵏ ⴹⵗ ⴼⵍⵙ ⵍⵀⵍⵜⵏ ⵤⵓⵔⵏⵏ
9 ⵎⵏⴾⵍⵏ ⵏⴹⵏⵜ ⴾⵍ ⵓⵏ ⴹⵔⵙ ⴹⵓⵏⵏ ⵏⵎⴶⵏ ⴹⵔⵙ ⵤⵏⴰ ⴹⵔⵜⵏ ⵓⵏ ⵔⵏ ⵎⵏⵙⵏ ⴹⵗ ⴹⵏⵜ ⴹ ⵏⵢⵏ ⵂⵓ ⵏ⵿ⵜⵎ⵿ⵙⵢ ⵜⴰ ⵜⵤⵜⵙⵔⴾⵎⵜ ⴹ ⵂⵍⵏ ⵙⴾⵍⵍⵏ ⴼⵍ ⵓⴰ ⵤⴶⵓ ⵗⵔⵎ ⵓⵏ ⴹⵗ ⵍⵗⵤⵀ⵰
10 ⴹⵔⵙ ⵏⵎⴶⴶⵏ ⴼⵍ ⵜⴾⵙⴹⴰ ⵏ⵿ⵜⵏⵏⵓⴹ ⵍⵗⵤⵀ ⵓⴰ ⵤⴶⵓ ⴹⵏ⵰ ⴹ ⴶⵏⵏ
11 ⴾⵍ ⵌⵍⴰ ⵏⴹⵏⵜ ⴾⵍ ⴹ ⵂⵍⵏ ⴼⵍ ⵜⵔⵎⵆ ⵢⵗⵔⵎ ⵓⵏ⵰ ⵓⵔ ⵜⵍⴰ ⵓⴹⵏ ⵗⵔⵙⵏ ⵤⵏ⵿ⵤⵏ ⵓⴰ ⵙⵜⴶⵏ
12 ⴶⵔ ⵔⵗ ⵓⵍⴰ ⵤⵔⴼ ⵓⵍⴰ ⵛⵂⵏ ⵛⵏ ⵍⵏⵏ ⵍⵎⵆⵎ ⵓⵍⴰ ⵍⵌⵂⵔ ⵓⵍⴰ ⵍⵏ ⵓⵍⴰ ⵜⵀⴹⵆ ⵜⴶⵜ ⵜⵤⵗⵢ ⵜⵑⵜ ⵓⵍⴰ ⵍⵈⵔⵔ ⵓⵍⴰ ⵜⵀⴹⵆ ⵜⴰ ⵜⴶⵜ ⵜⵤⵗⵢ ⵜⵂⵙⵢⵜ ⵓⵍⴰ ⵛⴾⵏ ⴾⵍ ⵓⵏ ⵙ ⵤⴹ ⴹⵏⵙⵏ ⵓⵍⴰ ⵔⵜⵏ ⵓⵏ ⴶⵏⵏ ⴹⵗ ⵜⵂⵏ⵿ⵜ ⵜⴾⵏⵜ ⵜⵎⵍⵢ ⵙⵏ⵿ⵜⴰ ⴹⵗ ⵜⴶⵓ ⵗⵏ ⵓⵏ ⵈⵎⵢⵙⴰ ⵓⵍⴰ ⵓⵏ ⵛⴾⵏ ⵓⵏ ⵍⵏⵏ ⵍⵎⵆⵎ ⵓⵍⴰ ⵓⵏ ⴹⵔⵗ ⵓⵍⴰ ⵓⵏ ⵜⵤⵍⵢ ⵓⵍⴰ ⵓⵏ ⵜⵂⵏ ⵛⵏ ⵂⵙⵢⵏⵏ
13 ⵓⵍⴰ ⴶⵍ ⵏⵛⴾ ⵓⵙ ⵜⵓⵏⵓ ⴾⵏⵍ ⵓⵍⴰ ⵤⵏⴼⵏ ⵏⵏⵀⵜⵏ ⵓⵏ ⵍⵏⵏ ⴹⵓ ⵓⵍⴰ ⵍⵓⵔⴹⵜⵏ ⵓⵍⴰ ⴹⵜⵏ ⵓⵏ ⵤⴹⵏⵏ ⵎⵙⵏⵏ ⵎⵔ ⴹⵍⵎⵙⴾ ⵓⵍⴰ ⵙⵎⴹ ⵏⵍⵗⵏⵀ ⵓⵍⴰ ⵓⴹⵢ ⵓⵏ ⵤⵢⵜ ⵓⵍⴰ ⴶⵍ ⵓⵍⴰ ⵍⴾⵎⴰ ⵓⵍⴰ ⵛⵜⵏ ⵓⵍⴰ ⵢⴼⴹ ⵓⵍⴰ ⴶⵙⵏ ⵓⵍⴰ ⵎⵍⵏ⵿ⴾⵢⵜⵏ ⵓⵍⴰ ⴾⵍⵏ ⵓⵍⴰ ⴾⴼⵍⵏ⵰
14 ⴹ ⴶⵏⵏ ⴾⵍ ⵌⵍⴰ ⵢⵗⵔⵎ ⵓⵏ
15 ⴾⵍ ⵌⵍⴰ ⵓⵏ ⴶⵔⴶⵙⵏⵏ ⴹⵗ ⵙⵜⴶ ⵓⴰ ⵜⴶⵏ ⴹⵗ ⵗⵔⵎ ⵓⵏ ⴹⵔⵙ ⵏⵎⴶⴶⵏ ⴼⵍ ⵜⴾⵙⴹⴰ ⵏ⵿ⵜⵏⵏⵓⴹ ⵍⵗⵤⵀⵏⵜ⵰ ⴹ ⵂⵍⵏ ⵙⴾⵍⵍⵏ⵰
16 ⴶⵏⵏ
17 ⵎⵔⵏ ⵍⵓⵆ ⵢⵏ⵿ⴹⴰ ⵗⵙ
18 ⵙⵗⴰ ⵓⴹ ⵏⵢⵏ ⵂⵓ ⵏ⵿ⵜⵎ⵿ⵙⵢ ⵜⴰ ⵜⵙⵔⴾⵎⵜ ⵗⵔⵎ ⵓⵏ ⵙⴾⵔⵢⵏ ⴶⵏⵏ
19 ⵙⵓⵔⵏ ⵗⴼⵓⵏⵙⵏ ⵀⵆⴰ ⵂⵍⵏ ⵗⵛⴹⵏ ⵎⵏⵙⵏ ⵓⵍⵏ ⵙⴾⵔⵢⵏ ⴶⵏⵏ
20 «ⴹⵓⵜⵜ ⵌⵏⵓⵏ⵰
21 ⵜⵤⵔ ⴹⴾⵍ ⵏ⵿ⴶⵍⵙ ⴾⵏⵏ ⵜⵍⴰ ⵏ⵿ⵜⵔⵏⴰ ⵜⵂⵏ⵿ⵜ ⵤⵓⵔⵜ ⵜⵍⵜ ⴹⵜⴰ ⴼⵍ ⵜⵓⵤⴹ ⵍⴾⵎⴰ ⴶⵔ⵿ⵜⵜ ⴹⵗ ⴶⵔⵓ ⴶⵏⵓ
22 ⵓⵔ ⵍⴾⵎ ⴹ ⵍⵙⵏ ⵢⵜⴹⵏ
23 ⵓⵔ ⵍⴾⵎ ⴹⵗⵙ ⵎⵍⵓⵍⵓ
24 ⴾⵢ ⵗⵔⵎ ⵓⵏ ⵀⵀⵢⵍⵏ