1 Tǝzzar oggeɣ daɣ ǝfus wa n ǝɣil ǝn wa iqqiman fǝl tǝxawit ta n taɣmar ǝlkǝttab iwar akatab sa sǝr ammas ǝd sa sǝr afalla. Ǝlkǝttab wen ǝwarnat-tu ǝssayat tǝlxatimen, a das-ǝmosnen šisǝɣfal.
2 Oggeɣ angalos iknân tǝla ǝn tarna igannu s ǝmǝsli issohen: «Ma imos wa ewadan ad alǝm ǝlkǝttab wa, aru tǝlxatimen šin t-ǝwarnen?»
3 Mišan wǝr t-illa daɣ jǝnnawan za wala amaḍal, wala daw amaḍal, i ifragan allam n ǝlkǝttab wen, wala inǝy awa t-ihan.
4 Tǝzzar ad halla wǝllen id wǝr t-illa i ifragan allam n ǝlkǝttab wen, wala deɣ ifrâg anay n awa t-ihan.
5 Tǝzzar inn-i iyyan daɣ ǝmɣaran: «Ayyu tala! Ǝnǝy, ahar wa n tawšet ǝn Yahuda, a d-igmâdan ǝzzurrǝyya ǝn Dawǝd, ǝnta a d-ornan, amaran ǝnta fadda a zʼalǝman ǝlkǝttab wa d ǝssayat tǝlxatimen-net.»
6 Tǝzzar oggeɣ Ǝjemar ibdâdan daɣ ammas ǝn tǝxawit ta n taɣmar ǝd mudaran win ǝkkoz, daɣ garegaray n ǝmɣaran. Ǝjemar wen ola d ǝmudar igzaman, amaran ila ǝssa ǝskawan d ǝssayat šittawen ǝmmittalnen [ǝssa] ǝrruxanitan ǝn Mǝššina a d-issoka ǝddǝnet ketnet.
7 Ihoz-in y ad igrǝw ǝlkǝttab daɣ ǝfus wa n ǝɣil ǝn wa iqqiman fǝl tǝxawit ta n taɣmar.
8 Assaɣa wad igraw Ǝjemar ǝlkǝttab, ǝnkaran mudaran win ǝkkoz, d ǝmɣaran win sanatat tǝmǝrwen d ǝkkoz ǝssǝjadan dat-ǝs. Akkiyyan daɣ-san ittâf tǝhǝrdănt, ǝd tǝkǝrwasen n urǝɣ ǝdnâynen aḍutan ǝzodnen taqqadnen ǝmmittalnen šiwatriwen ǝn mizdagan.
9 Ǝssiggadan daɣ tǝmmal taynayat, gannin:
10 Tǝgeq-qan imǝnokalan ǝd limaman,
11 Ǝlasaɣ-in asawad, tǝzzar ǝsleɣ i maslan n angalosan ǝknânen igǝt. Ǝmosan igiman ǝn giman, ɣilayɣalayan tǝxawit ta n taɣmar, ɣilayɣalayan imudaran d ǝmɣaran.
12 Ǝssiggadan gannin s ǝmǝsli issohen:
13 Tǝzzar ǝsleɣ daɣ amazay wen da i tǝxǝllak kul daɣ jǝnnawan d amaḍal, ǝd daw amaḍal, ǝd gǝrwan, ganninat:
14 Tǝzzar ǝnnan mudaran win ǝkkoz: «Amin!» Ǝssǝjadan ǝmɣaran ǝɣbadan Mǝššina d Ǝjemar.