1 Tomo Isileli, kainagu kwayamaisa. Gubesi, tem Yeoba nige imiyamiya ala dedei mena, tawae kani iyawatagili kolila?
2 Tem tauna kona nige imiyamiya ala dedei mena, kala kaleyayao sikaiwe-gabaegila,
3 ali munamunai koina meyawasila sisinolila,
4 besiele yalubwasi kaikaiwena ididi iyalu-kalaila takwalalele tamiyawa,
5 besiele bagolu sigolu-pwaikila tagalomwasi.
6 Yeoba tatobalan. Kaiwena itolo-kaukausila kala kaleyao kolili siya besiele yakayakan sokasokali.
7 Tayabubu besiele man tokeloya ali bebelula taigalina koina ilusola iyabubu.
8 Kala sagu ilaomaya Yeoba koina iya mwa bulibuli yo yanuwa yaulina iyamayaleli.