1 Biahua tiempo Diusu ja profeta cuana jepuiti mesa quisa cuana pamapa nuati, tsapiapiati jabuetsuati neje ecuana sa tata chenu cuana quisataidha.
2 Jiahue mu mesa quisa saida cuana ecuana quisatana mesa Ebacua Jesucristo jepuiti. Diusu ja pamapa ai cuana ataidha mesa Ebacua Jesucristo jepuiti. Tueda pamapa ai cuana Diusu ja Jesucristo tiataidha tuseda puji cama papu puji.
3 Jesúcristo ja Tata Diusu Aida cristiano cuana ebametani. Tueda da ene quita Diusu, Tata Diusu neje tupupai putsu. Pamapa Diusu ja ai ataidha cuana tusa tucheda neje yasemetani. Tueda curusu su manuana ecuana sa jucha cuana dhipa putsu, ecuana d'eji su ya puji. Daja a putsu, cielo su tsuatibana Diusu sa bai eni bene yaniute puji, da jenetia tu neje tupupai ecuatsasia epu puji.
4 Jesucristo da pamapa ángel cuana ebia su aida, Diusu sa Ebacua putsu.
5 Aimue ai hora su biame Diusu ja quebata ángel biame uja ataidha mahue:
6 Diusu ja Jesús ye mundo su beitutana su, pamapa ángel cuana cuatsasiatana Jesús pamitsutsuata huecuana puji.
7 Diusu sa ángel cuana jepuiti uja derejiji yani Diusu sa quirica su:
8 Diusu sa Ebacua Jesucristo da ene quita Diusu. Uja Diusu puidha Cristo jepuiti:
9 Pamapa ai saida, butsepi cuana miqueda tsada eni.
10 Pia su uja Diusu puidha Cristo jepuiti:
11 Beju tueda pamapa ai cuana etaitanapeta biame, mida daja hue yanienitiyu.
12 Tueda ai cuana miada etanuja ejud'uji pu cua nime.
13 Daja huecha aimue Diusu ja quebata ángel uja ataidha mahue:
14 Pamapa ángel cuana da Diusu sa emebajaji cuana Diusu ja ebeitutani huecuana mundo su mesa d'eji su eputani cuana etsahua puji.