1 Enu̱we bantu banje, mu̱u̱ghu̱we ebi nkwete kwegheesi̱ya.
2 Nkubabu̱ghi̱la mu nsi̱mo
3 Bintu ebi twaghu̱u̱ye kandi twamanya,
4 Tatu̱ku̱bi̱bi̱si̱i̱lila baana baabo.
5 Luhanga akaha bilaghilo bantu baa I̱saaleeli̱,
6 Aakola atiyo niikuwo mujo oghu ghumanye bilaghilo ebi,
7 Aakola atiyo niikuwo bantu baa bu̱li̱ mujo beesighe Luhanga.
8 Ebo bataba nga baataata baabo,
9 Mahe ghaa bantu baa Efulahi̱mu̱, nankabha mbaabaagha bakwete mata,
10 Tabaakwete ndaghaano ya Luhanga.
11 Baabululuwa ebi aakoli̱ye
12 Aakolagha byakuswekani̱ya mu maaso ghaa baataata baabo,
13 Aati̱yamu nanja kabili kandi maasi gheemilila nga bisiika,
14 Ntangaali̱ aaghendagha abahikiiye na kicu.
15 Aati̱ya bikuka mu elungu,
16 Aabaahila maasi mu kikuka,
17 Bhaatu beeyongela ku̱si̱i̱sa.
18 Baalengesa Luhanga mu mitima yabo,
19 Baabu̱ghʼo Luhanga mbaghila bati,
20 Majima, akugubha kwati̱ya kikuka maasi ghaalu̱ghemu.
21 Obu Mukama aabaaghu̱u̱ye, aasaaliluwa.
22 nanga bakabhenga ku̱hi̱ki̱li̱ja Luhanga
23 Bhaatu aalaghila mwanya kuughulika
24 Aabasindikila byokuliya maanu bantu kubiliya,
25 Bantu baaliya haa byokuliya bya baamalai̱ka.
26 Aaleka mwegha ghwalu̱gha bu̱lu̱gha ejooba,
27 Aabaha nyama sikaniiye kimui nga tu̱u̱tu̱.
28 Aaleka noni̱ esi syasu̱nda hambali baghooneeye,
29 Bantu baaliya nyama kandi baakuta.
30 Bhaatu baakala dhee mbaneekumbula nyama.
31 Luhanga aabakwatiluwa ki̱i̱ni̱gha.
32 Nankabha bantu aba mbaaboone ebi byona,
33 Nahabweki aamalʼo bilo byabo nga mpeu
34 Luhanga aakaatagha bamui mu bantu aba,
35 Baasuka ngoku Luhanga aaniiye kikuka kyabo
36 Bhaatu baabu̱ghagha bisubha byonkaha,
37 Bakaba batamugumiiyʼo mu mitima yabo,
38 Bhaatu Luhanga aabaghililagha kisa,
39 Aakimanya ngoku bali bantu kwonkaha,
40 Mu elungu bakamujeemela
41 Beeyongela kulengesa Luhanga
42 Baabululuwa maani̱ ghe
43 Baabululuwa kilo eki aakoleeyemu byakuswekani̱ya byamaani̱,
44 Aahindula maasi ghaafooka saghama.
45 Aabatumila nsoola sikani̱ye esyabalumagha
46 Aaleka bilimuwa byabo byalibuwa njighe
47 Aahwelekeeleli̱ya mi̱jaabbi̱i̱bbu̱ na mbu̱la ya lubaale
48 Aaleka mbu̱la ya lubaale yaata nte syabo
49 Aababona-boni̱ya kwonini naabooleka kusaakala kuwe,
50 Taakeehei̱ye ki̱i̱ni̱gha kiye kedha kukingilila bwomi̱i̱li̱ bwabo,
51 Aata baana boona mi̱li̱ghaaso,
52 Ahikila bantu be nga ntaama ku̱lu̱gha mu ehanga lya Mi̱si̱li̱.
53 Aabahikila kusemeeye niikuwo batoobaha,
54 Aabatwala haa mutaano ghwa kyalo kiye ki̱hi̱ki̱li̱i̱ye,
55 Aabhinga bantu abaabaagha mu kyalo eki, bantu be banaloli̱ye.
56 Bhaatu Banai̱saaleeli̱ baajeema.
57 Bantu aba beegaali̱ya, baaba abatali beesighibuwa nga baataata baabo.
58 Baaleka Luhanga aakwatuwa ki̱i̱ni̱gha
59 Obu Luhanga aabiboone, aakwatuwa ki̱i̱ni̱gha kyamaani̱.
60 Aalu̱gha mu ki̱i̱kalo kiye mu kibugha kya Si̱i̱lo,
61 Aaleka ngi̱ghu̱ syatu baatwala sandu̱u̱ku̱ ya ndaghaano.
62 Aasaaliluwa kwonini na bantu be
63 Batabhana baabo baakwi̱la haa bulemo.
64 Bahongi̱ baabo baabaata na bihiyo
65 Haakumaliilila Mukama aasu̱su̱mu̱ka nga muntu aakaaye aghwesaghiiye.
66 Aabhinga ngi̱ghu̱ esi aabaku̱u̱ki̱ya enu̱ma,
67 Bhaatu aabhenga baasukulu baa Yojeefu̱
68 Mu ki̱i̱kalo kyabo aakoma baa ntu̱la ya Yu̱da,
69 Aakwelʼo numba yee ya kulami̱li̱yamu
70 Aakoma mu̱heeleli̱ya wee Dhau̱dhi̱,
71 Aamuuya hambali aali̱i̱si̱li̱yagha ntaama.
72 Dhau̱dhi̱ aabaloleelela na mutima ghusemeeye