1 Ai̱ Luhanga oghu nkusindagha,
2 Bantu babhi kandi abakudimaagagha baasami̱i̱ye kanu̱wa kaabo,
3 Baku̱bu̱ghagha ngoku banjohi̱ye
4 Si̱ye nku̱ndi̱ye bantu aba, bhaatu ebo bakumpakani̱yagha.
5 Nkaakubakolagha kulungi, ebo bankola kubhi.
6 Okomele ngi̱ghu̱ yanje mu̱cu̱ wa misango mubhi ku̱mu̱twi̱la musango.
7 Naamunyegheleeye, oleke musango ghu̱mu̱si̱nge,
8 Oleke bilo bya bwomi̱i̱li̱ buwe bikeehe
9 Oleke baana be bafooke nku̱u̱bbi̱
10 Oleke baana be baakalaghe mbayaaya kandi mbasaba-saba.
11 Oleke abakwete kumutonga batwale bintu biye byona
12 Atabʼo muntu nʼomui oghu akumughilila kisa,
13 Baasukulu be boona baku̱we
14 Oleke Mukama aasuke bibhi bya baataata be,
15 Mukama, ookalaghe noosuka bibhi byabo
16 Tabakweli̱li̱kanaghʼo kughilila bantu kisa.
17 Babbali̱ye kukiina,
18 Kukiina baakufooye nga ngoye balu̱wete.
19 Oleke kukiina oku kubafookele nga ngoye balu̱wete
20 Mukama, ofubile ngi̱ghu̱ syanje syona mu mulingo oghu,
21 Bhaatu uwe, Ai̱ Mukama Luhanga wanje,
22 nanga ndi munaku kandi ndi mu bwetaagho,
23 Ndi haai kuhuwʼo nga ki̱i̱ku̱du̱ kya lwagholo.
24 Malu̱ ghanceki̱ye haabwa ku̱si̱i̱ba,
25 Ngi̱ghu̱ syanje bakwete kumpwawaani̱ya.
26 Ai̱ Mukama Luhanga wanje, onkoonele!
27 Oleke ngi̱ghu̱ syanje bamanye
28 Nankabha ebo bankiina, bhaatu uwe okumpa mu̱gi̱sa.
29 Oleke ngi̱ghu̱ syanje baswajibuwe.
30 Nku̱si̱i̱ma Mukama nʼelaka lyamaani̱.
31 nanga akwemililagha haa mukono ghwabuliyo,