1 Maromak, salva hau,
2 Hau mout iha tahu been naruk laran;
3 Hau halerik husu tulun too fraku ona;
4 Ema odi hau maski hau la halo aat ba sira;
5 Maromak, Ita Boot hatene hau nee ema beik ida;
6 NAI, Nai Maromak Aswain,
7 Ema tarata hau tanba hau tuir Ita Boot;
8 Hau sai tiha ona ema fuik ba hau nia familia rasik;
9 Hau foo aan tomak hodi defende Ita Boot nia uma, maski ida nee lori hau ba mate;
10 Bainhira hau haraik aan ho jejun,
11 bainhira hau tau hena lutu,
12 Ema nebee tuur iha portaun sidade nian konta hau nia vida;
13 Maibee NAI Maromak, hau harohan ba Ita Boot;
14 Hasai hau husi tahu laran;
15 Keta husik mota boot halo mout hau
16 NAI Maromak, hataan hau, tanba Ita Boot nia domin rohan-laek nee diak;
17 Keta subar Ita Boot nia oin ba Ita atan hau;
18 Mai besik hau hodi foo liberdade mai hau;
19 Ita Boot hatene katak ema hatete aat hau,
20 Sira nia liafuan aat kona ba hau halo hau laran dodok
21 Sira kahur buat moruk ba hau nia hahaan;
22 Hau harohan atu hahaan nebee prepara hela iha sira nia oin sai lasu ba sira;
23 Husik sira nia matan sai delek atu sira la bele haree;
24 Fakar tiha Ita Boot nia hirus ba iha sira nia leten;
25 Husik sira nia fatin sai fuik;
26 Tanba ema nebee mak Ita Boot baku, sira halo nia terus tan;
27 Foo sai sira nia sala ida-ida;
28 Hasai tiha sira nia naran husi lista ema moris nian;
29 Maibee hau nee terus ho laran susar;
30 Depois hau sei kanta hodi hahii Maromak;
31 Ida nee sei halo haksolok NAI Maromak nia laran liu fali oferta karau aman,
32 Bainhira ema mukit haree hau hahii Maromak, sira sei kontenti;
33 Tanba NAI Maromak rona ema nebee kiak;
34 Lalehan ho rai, hahii Nia ba;
35 Tanba Maromak sei salva Siaun;
36 Too Nia atan sira nia jerasaun mos sei sai nain nafatin ba rai nee;