1 God i bin spik prapa longtaim de pas, tru dem spesilmesizman, plentitaim lo diprenwei po ol ate blo yumpla.
2 Nau lo dem lasdei, God i tok po yumpla tru Boi blo em. Ane em i bin promis ebriting po Boi blo em. Em i bos blo ebriting. Ane tru Boi blo em, God i bin meke da wold ane ebriting wea i stap insaid.
3 Da Boi i sain prom dat seim sainilait, da truglori blo God, ane ebriting baut da Boi i seimkain wase God. Dem prapa nadakain strongwod blo em meke da wold ran stret. Dem strongwod blo em i kipe ebriting tugeda. Apta wen em bin ded po meke yumpla pri prom sin, em bin go antap eben ane em sidaun lo da raitansaid blo da prapa nadakain big God blo eben.
4 Diswan i soem da Boi blo God, em i mo mina big den dem einzel. Seimkain po da neim wea God i bin gibem, i mo mina big den dem neim blo dempla.
5 God i no bin spik dem tok po dem einzel wanem em bin spik po Zizas diskain:
6 God i bin soe da pasbon Boi blo em uda kare lo. Den em bin sanem kamdaun po da wold ane em bin spik:
7 God i bin singaut ol einzel blo em ane spik po dempla:
8 Bat po da Boi blo em, God i spik diskain:
9 Yu no labe samting wea i rong, bat wea i mata rait,
10 Ane God i kip spik:
11 Demting i go pinis, bat BosLod, yu nogo pinis. Yu go mata stap poeba.
12 Yu go rolemap demting wase mat.
13 God i no bin tok demkain po ol einzel wase em bin tok diskain po da Boi blo em:
14 Bat dem einzel i mata ol sebant blo God. Dempla i ol spirit wea God i sanem po lugaut dem pipol uda God i go seibem.