1 Apta ol dem samting, ai bin luk nada einzel em i kamdaun prom eben. Em i kare lo blo bigpaua, ane dis ert i bin laitap ane sain oloba prom em.
2 Em i bin singaut wea mina laud bois:
3 Ebridem pipol lo ebridem kantri lo dis wold
4 Dis taim ai bin lisen nada bois i kam prom eben i spik diskain:
5 Ebridem sin blo em i mina bigwan,
6 Mekem po em wanem em i bin mekem lo yupla de pastaim,
7 Dis oman em i bin stap lo gudlaip ane apilaip,
8 Bat plenti bigpanis i go kam ane kese em lo wan dei,
9 Nau ebridem king lo dis wold, uda bin meke nugud sekssin lo em ane stap lo demkain izilaip lo em, wen ol go luk smok i kamaut prom dat big siti Babilon, ol i go bigkrai ane singaut mina laudwan bikoz ol i luk da siti i ban.
10 Dem king go stanap lelbet longwei bikoz ebriwan dempla i prait bambai ol i go gede da seimkain panis ya wiskain dat siti i gedem. Ane ol i go singaut:
11 Ane ebridem biznisman lo dis ert ol i go krai ane pil prapa sore po Babilon, bikoz i gad nobodi nau uda ken baie samting prom dempla nau.
12 Dem biznisman i gad olkain kago blo ol dipren samting ya. I gad gold ane silba, olkain nais ston, ane nais perl, olkain spesil kaliko, papal kala ingk, silk ane brait red kaliko. Ane i gad dem wud wea em i smel nais ane olkain dipren kabing wea dempla bin mekem prom tit blo elepant ane kabing wea ol i mekem prom dia wud, bras, aian ane dia ston.
13 Ane i gad ol nada kago, oil wea i gad switsmel, olkain diprenkain insens, wain, oliboil, plaua ane wit, olkain kau, sip, os ane olkain oskariz ane ol pipol wea dempla i sleib.
14 Ane nau ol dem biznisman ya ol i spik diskain po dat oman:
15 Ane ol dem biznisman ya wea dempla i bin kam prapa ris prom sele ol dem kago po em, dem biznisman i bin stanap lelbet longwei bikoz ebriwan prom dempla i prait bambai ol i go gede da seimkain panis ya wiskain da siti i gedem. Ol i go bigkrai mina laudwan:
16 ‘Yagar! Yu Babilon yu lugaut! Yu big eleba siti.
17 Bat prapa kuikwan
18 Ane wen dempla ebribodi luk smok blo paia wea i bane da siti, dempla i go singaut diskain, ‘Ei! Yagar! I nogad no nada big taun wase dis big siti ya!’
19 Nau ebri demwan de i go pute dast antap lo ed blo dempla po soem dat dempla i sore. Ebribodi i go gad big sore ane dempla go base bigkrai:
20 Yupla de lo eben, yupla mas glad prom dat panis wea dat oman i gedem.
21 Nau wan strongeinzel em bin teke wan prapa big ston, ane em i sakem daun lo da solwata, ane em i singaut diskain:
22 Insaid lo dat siti, i nomo go gad saun blo olkain miusik.
23 Dem lamp i nogo meke lait de nomo,
24 God i bin panse dat siti blo Babilon bikoz prom dem blad wea i bin ran lo dem strit de,