1 Odubona houga magomagouna tahaya tapuna po tapuna uyahinei Yaubada a baha tu bahapiko i welewelehi googata uyahihi ma hi ibaabaniyeya.
2 Ma tauta ata houga uyahina naka anani kokoe, ma a bahahi i ibaabaniyehi Natuna uyahinei. Yaubada Natuna i inagani ipa ginouli atapuhi uyahihi ina taniwaga, odubona Natunana uyahinei ginouli atapuhi i iwawalihi.
3 Ma Yaubada a wasawasa Natuna i liyayahi, po tauna amana a dewa i lugogoni. Ma a baha wipoyanagei ginouli atapuhi hoi yada po hoi hipuli e woomomohihi. Ma ita apapoe ubeihi i hilage po i liyeuyeuta ma Yaubada Gegewahagana u awala hinebawana i duhuna.
4 Yaubada Natuna tu winoyanoya mi yadena atapuhi i gelagonihi po gowana Yaubada i weleweleya tu winoyanoya gowahi i haki lagonihi.
5 Matababana Yaubada ega houga gehouna tu winoyanoya mi yadena uyahihi ita baha ita pa,
6 Hougana a Natututuwoga i himihimila hopuniyai hoi hipuli ma i baha i pa,
7 Ma tu winoyanoyahi ubeihi i ibaabani naka baha tapunei i pa,
8 Ma Natuna binei i ibaabani i pa,
9 Dewa dumadumaluna nugom i waya,
10 Ma Yaubada a baha gehouna Natunana uyahina i baheya i pa,
11 Ginoulihi atapuhi apo hina yababa, ma tam apo una memae,
12 po mei kaleko una pilihi po lupulu naka pite,
13 Yaubada tu winoyanoya gehouna uyahina ega ita baha ita pa,
14 Ma tu winoyanoya mi yadena tauhi naka alugo wobagibagihi Yaubada i hounihi ipa hina haguta po tauta luyagohana ta wialoni.