1 Noravano Kotiva Avuhainaava ekaa haikaqaa raqiki vaiva vairara ti, ne ekaa vo vatanaa vo vatanaaka aiqu kauqu ntiri ntiri iramanta variate.
2 Noravano Kotiva kempukavano Saionini vaiharo viva uritarakero ekaa naato vatanaaka Avuhainaava vaivo.
3 Naantiara ekaa naato vatanaaka vira nora autuara iriha nái kauqu runkinkiri ivarave.
4 Mpo Noravauvo, are Avuhainaava kempukavano variararo ai muntukavano avuqavu ni varia okararaqai vaivara, are vi okarara tinavu Isareri humiqaaramanta tenavu vira avataqi viha vaiinti nahentiqaa raqiki vaunarave.
5 Ho ne ekaa Nora Kotira autu tuahera keha vira aiqutaraini vaiha vira quahama amitaate.
6 Mosika Eronika Kotira kaiqa vara amitaa vaiintitanta variavaro Samuerivavata Kotira aare vai vaiintiva vaira.
7 Viva uromuravano vaavi vairaqi vaiharo nai vaiinti nahenti tiva nimimanta vika viva tivatai uvara vo uva vo uva iriqi vuarave.
8 Mpo Noravauvo, are tinavu Variqavanoma variaro.
9 Virara virara iriha kaiqenavu Nora Kotira nora autu amiha, vira takuqina aiqinaraqaa vaiha vira quahama amitaare.