1 Mpo Kotio, nena nora autuara iriharama ti ruaruama timitaane.
2 Mpo Kotio, te ai aaraarirara are ti uva iriane. Nena aato ti timihara te tiaina uvara iriane.
3 Kia vo vaiintiara noraiqaake iri variaka ti hampata iqoka raqireka auti variavo.
4 Ho tavaate. Kotiva ti kahaqi vaivama vaivo. Noravano Kotiva vivama tiqaa raqiki vaimanta te koqemake qaqi variqi vi vauro.
5 Mpo Kotio, are qaqi kairaro ti qoraiqama timitareka auti vaiva, viva vika nái qoraiqama nimitaarire, turo.
6 Noravauvo, are mintiraqe te quaheha ofaa vo ai iha quara amitaare.
7 Nora maara, vo maara vo maaravano tiqi vaimanta vaurara are ti ruaruama timitaaravera te tenta avuqohai tavaurara are ti navutaaka naatara kaanarave, turo.