1 Kaiqenavu Nora Kotira autu tuahera kaare.
2 Ni autu kero vatai Variqarara irihama, ne Isareri nenta muntukaqihai quaheha variate.
3 Ne ihi nteha taaqavata/quvaaravata kitaavata ruqutiha, vira autu tuahera kaate.
4 Noravano Kotiva tinavu nai vaiinti nahentiara voqama kero quahe vairara ti, ne vira autu tuahera kaate.
5 Viva minti vairara ti, kaiqenavu vira vaiinti nahenti entaqi ihi tiva amitaqi viha virara quahaare.
6 Ne nenta kauquqi iqoka paipe voqamakero vaihaira tuateha, nenta noqihai Nora Kotira autu tuaheraqi vuate.
7 Mintiaqi viha ne vo vatanaa vo vatanaaka hampata raquqi viha, vika tinavu qoraiqama timitaarara irihama, náivata qoraiqama nimitaate.
8 Tinavu navutaaka avuhainaukave, vika qiata vaiintive, ne seniqohai vika rumpa taate.
9 Kotiva tintemake, ne vo vatanaa vo vatanaaka qoraiqama nimitaate.