1 Kaiqenavu Nora Kotira autu tuahera kaare.
2 Kaiqenavu vatevata, naantiara ekaa entavata, Nora Kotira autu tuaheraqi vuare.
3 Ne kuari avu urinaini variakavata, uritarero aquvinaini variakavata, ekaa ne Nora Kotira autu tuahera kaate.
4 Noravano Kotiva ekaa vo vatanaa vo vatanaakaqaa raqiki vaiva vaivaro, vira mpeqa okaravano takuqi vaiva naaruvavata uri aatarakero vaira.
5 Nai tavave tinavu Variqa Nora Kotira voqaara vaivo?
6 naaruvavata vatavata viavi tave vaira.
7 Vehi vaiinti nahenti qoraiqamavi konkomaqi variakave, vo haika vo haikara aavoqiha nora maaraqi variakave, viva vika vika ntita varero,
8 qiata vaiintinavu varianaini vuru kaimanta koqemake variara.
9 Viva naahiara/qururaiqama vua nahentika koqema nimitaimanta vika airi vainti vatate quaheha variara.