1 Muomuo, e Raban a nga vakokoit sibu tubugiet i ngutsuon bu propet sibu keipkepide ra palan ma sibu suasuada rosar palan.
2 Eiekesen ine sibu ra vekvekitip e Raban a te vakokoit nemei segiet i ngutsuon e Natuon. E Raban a nga totoka va ta suvuon ken sar sinsuv kokouk, ma ngan ine mi Nout mo e Raban a nga vogosongie ine mi mangmagoso enaenamon.
3 Ine mi Nout arie mi rararangien man matvinavaso e Raban, ma mi sinavien ine mi Nout a vutuir vasangan duis mi sinavien e Raban. Ma surie ken nama ian ta suvu ngeisngeis, bu kepineits kokouk gi tuir ngeisngeis. I murien tate nga tsang vaton mi tsientsang nia vara melemelen nge giet sorvekenan mi sinavei tsokor, a nga mogos si ken riem suv e Raban ese ta tsiroup.
4 Io, e Natuon e Raban a nga tsorubeit tsiroup sibu angelo, malan mo mi as e Raban ta nga terie sien, a kalei beitsak rio bu asagie bu angelo.
5 Simi vunan e Raban a kap nga pengan si ka angelo malan ine,
6 Ma sien e Raban ta turan e Natuon mi muariem nemei simi kaber, a pevien,
7 Ma surie bu angelo, e Raban a pevien,
8 Eiekesen surie mi Nout, e Raban a pevien,
9 E nga tovie mi sana ta duis ma e nga karto mi sana ta tsokor.
10 Ma a pevien buer,
11 Guor ta tsereiv, eiekesen evoi e ta mon.
12 E ta so lokuma guor mala kuirkuir kebeir.
13 Ma e Raban a kap ko pevien si ka angelo malan ine,
14 Bu angelo egie bu moromoruo ni tsatsang kuilkuil. Egie bu moromoruo kuvu se Raban nia tsatsang segie ese gi ta so suvuon mi vavato.