1 थेतबासेलमा परमेश्वरसे ह्राङलान म्हिगदे स्होबाला लागिरी धम्बा ज्योज्यो आले नाना आङागदे, य्हाङसे परमेश्वरसे पुइखबा परमेश्वरला मन्दिररी पूजा लबा मुल म्हि येशूदा च्यागे।
2 मोशा परमेश्वरला म्हिगदेला गुङरी गे लबाला लागिरी भर तबा म्हि मुबा ह्रङ्नोन येशूएनोन ह्राङदा गे लपुङ्बा परमेश्वरला लागिरी भर तबा मुबा।
3 दिमसे भन्दा दिम स्होबा म्हिसे मान याङ्बा ह्रङ् लसी मोशासे भन्दा येशूसे झन ल्हाना मान याङ्बा मुला।
4 खजिबै दिम खजिबै म्हिसे स्होबा तमुला। तर जम्मान स्हे स्होबा चा परमेश्वरनोन हिन्ना।
5 मोशा चा परमेश्वरला म्हिगदेदा च्याबा जम्मान तामरी भर तबा नोकर मुबा। थेसे परमेश्वरला म्हिगदेदा लिच्छा तिग तला भिबा ताम पाङ्मुबा।
6 तर ख्रीष्ट चा दिमला भर तबा झा गिक ह्रङ्बान परमेश्वरला दिमरी अधिकार याङ्बा मुल झा हिन्ना। चुदे य्हाङसे लबा आशथोरी पूरान भर लसी लिच्छाधोनान विश्वासरी कोङ्सी चिजी भिसम य्हाङएनोन परमेश्वरला दिमला कोलागदे दोला।
7 थेतबासेलमा परमेश्वरला आत्मासे चुह्रङ् भिसी सुङ्बा मुला,
8 एनीगदेला आखे म्हेमेसे परमेश्वरला बिरोध लबा ह्रङ् लसी
9 थेरी एनीगदेला आखे म्हेमेगदेसे बोगल न्ही दिङधोना ङाइ लबा गे म्राङ्सीनोन
10 थेतबासेलमा थेनीगदेदा म्राङ्सी ङादा बोमो रेःजी।
11 ङाइ बोमोला झोकरी थेनीगदेदा
12 ज्योज्यो आले नाना आङागदे, होशियार तसी चिउ। एनीगदे न्हङरी खालैनोन विश्वास आलबा पापी सेम थोसी छोन्बो परमेश्वरदा थाख्लागो।
13 तर परमेश्वरला बचनरी “तिनी” भिबा धुइ मुतेधोना जम्मासेन गिकसेम गिकदा सदन आँट पिन्सीन चिउ। आहिन्सम पापसे फसब लसी एनीगदे न्हङरी खालैला सेम कोङ्ना लला।
14 य्हाङसे शुरुरी लबा विश्वासरी य्हाङ सोतेधोना कोङ्सी चिजी भिसम य्हाङसे ख्रीष्टग्याम याङ्बा हक याङ्ला।
15 बचनरी चुह्रङ् भिसी भ्रिबा मुला,
16 परमेश्वरला काइ थेःसीनोन थेदा बिरोध लबा म्हिगदे खाल मुबा? तिग मोशासे मिश्र य्हुल्साग्याम फेसी भबा म्हिगदेन आहिन? हिन्ना।
17 खाल म्राङ्सी परमेश्वर बोगल न्ही दिङधोना बोमो खजी? तोङतोङबा ग्लारी सिबा थे पाप लबा ओन्माला म्हिगदेदा म्राङ्सी आहिन? हिन्ना।
18 परमेश्वरसे ङाइ स्होबा ब्लप्बा न्हबा ग्लारी वाङ्आम्याङ् भिसी खाल्दा सुङ्मुबा? परमेश्वरसे कुल्बा ताम आङ्यान्बा थेनोन म्हिगदेदा सुङ्बा आहिन? हिन्ना।
19 थेतबासेलमा थेनीगदेसे विश्वास आलबासे लमा थेनीगदे ब्लप्बा न्हबा ग्लारी वाङ्आम्याङ्नी भिबा ताम य्हाङसे था याङ्बा मुला।