1 নাফরমানর উন্নতি দেখিয়া মন খারাপ করিও না,
2 তারা তো ঘাসর লাখান জলদি হুকাই যিবো,
3 মাবুদর উপরে ভরসা করি নেক কাম করো,
4 খুশি-বাসি করো তুমি মাবুদরে লইয়া,
5 তুমার জিন্দেগির হকল ভার মাবুদর আতো ছাড়ো,
6 তাইন তুমার পরেজগারিরে করবা উজিলা,
7 মাবুদর ছামনে নিরাই রইয়া তান লাগি বার চাইও,
8 গুছারে দমন করিয়া থামাও মিজাজ দেখানি,
9 মাবুদর ভরসা কররায় দেশর মৌরসি-মালিক বনিবো,
10 থুড়া দিন বাদেউ নাফরমান অইবো নিপাত,
11 নরম দিলর মানষে পাইবা দেশর মালিকানা,
12 নাফরমানে ছল-চতুরি করে পরেজগারর বিপক্ষে,
13 তারার হালত দেখিয়া হারি মাবুদে তো আসইন,
14 দুখি-কাংগালরে পাওদি উড়িয়া খুনর খিয়ালে,
15 অউ তলোয়ার তারার নিজর কলিজাতউ হামাইবো,
16 নাফরমানর বেশি ধন-দৌলত থাকিয়া,
17 নাফরমানর আত তো যাইবোগি ভাংগিয়া,
18 মাবুদে দেখইন দীনদারর জিন্দেগির হালত,
19 মছিবতর দিনো তারা অইতো নায় শরমিন্দা,
20 নাম-নিশানা মিটিযিবো যারা নাফরমান,
21 নাফরমানে করজো নিয়া ফিরত না দিলায়,
22 মাবুদর রহমতি জন যারা দেশর মালিক অইবো তারা,
23 যারার চাল-চলন দেখিয়া মাবুদ অইন খুশি,
24 স্বয়ং মাবুদে তারার আতো ধরিয়া রাখায়,
25 আমি আগে জুয়ান আছলাম অখন বুড়া অইছি,
26 দয়া-মায়া করে মানষরে রিন দেয় হামেশা,
27 বদ কাম ছাড়ো নেক কাম করো,
28 মাবুদে তো ভালা পাইন হক ইনছাফ,
29 দেশর মালিকানা পাইবা পরেজগারে,
30 পরেজগারর মুখদি বার অয় গিয়ানর বুলি,
31 আল্লার হুকুম গাথা আছে তারার দিলো,
32 নাফরমানে উত পাতিয়া রয় পরেজগারর বায়,
33 মাবুদে তানরে ছাড়তা নায় নাফরমানর আতো,
34 মাবুদর লাগি বার চাও, তান দেখাইল পথে চলো,
35 পাষান নাফরমানরে দেখলাম বউত বড় ইজ্জতি,
36 হিরবার গেলাম আমি তারে আর পাইলাম না,
37 নি-অপরাধির বায় চাও দেখো হক মানষর বায়,
38 হক্কল খারাপ মানষর অইবো সর্বনাশ
39 পরেজগারর নাজাত আয় মাবুদর গেছ থাকি,
40 মাবুদে সাইয্য করিয়া নিস্তার দেইন তারারে,