1 এরবাদে আমি দেখলাম, দুনিয়ার চাইর কুনাত চাইর জন ফিরিস্তা উবাই রইছইন। তারা দুনিয়াত, দরিয়াত আর হকল গাছ-পালাত বাতাস হামানির দুয়ার বন্দ করার লাগি উবাইছইন।
2 বাদে আমি দেখলাম, পুবে থাকি আরক জন ফিরিস্তা উঠিয়া আইরা, জিন্দা আল্লার সীল-চাপ্পড় তান গেছে আছে। তাইন আইয়া যে চাইর জন ফিরিস্তারে দুনিয়া আর দরিয়ার খেতি করার লাগি খেমতা দেওয়া অইছিল, হউ চাইরো ফিরিস্তারে জুরে জুরে ডাকিয়া কইলা,
3 “আমরা যতবইল আমরার আল্লার গুলাম অকলর কপালো সীল না মারছি, অতবইল তুমরা দুনিয়ার, দরিয়ার বা গাছ-পালার খেতি করিও না।”
4 বাদে আমি হউ সীল-চাপ্পড় মারা মানষর পরিমান হুনলাম। বনি ইছরাইলর হকল খান্দান থাকি এক লাখ চৌচাল্লিশ আজার জনরে সীল মারা অইছে।
5 এহুদা খান্দানর বারো আজার জন সীল মারা;
6 আশির খান্দান থাকি বারো আজার;
7 শিমিয়ন খান্দান থাকি বারো আজার;
8 সবুলন খান্দান থাকি বারো আজার;
9 বাদে আমি দেখলাম, পরতেক দেশ, হকল খান্দান, হকল জাতি আর হকল জাতর বুলিয়ে মাতরা বউত মানুষ দলা অইছইন, এরারে গনিয়া ফুড়ানির সাইধ্য কেউরর নাই। এরা ধলা লেবাছ ফিন্দিয়া খেজুর পাতা আতো লইয়া, হউ তখত আর মেড়া-বাইচ্চার ছামনে উবাই রইছইন।
10 তারা জুরে জুরে কইরা,
11 এরবাদে তামাম ফিরিস্তা অকল, হউ তখতর, হউ মুরব্বি নেতা অকলর আর চাইরো জানদারর চাইরো কান্দাবায় উবাইলা। তারা তখতর ছামনে সইজদাত পড়িয়া কইলা,
12 “আমিন।
13 বাদে মুরব্বি নেতা অকলর মাজর একজনে আমারে কইলা, “বুজরায় নি, ধলা লেবাছ ফিন্দা অউ মানুষ অকল কে, এরা কুয়াই থাকি আইছইন?”
14 আমি তানরে কইলাম, “ও মালিক, ইতা তো আপনেউ জানইন।” তেউ তাইন কইলা, “এরা অইলা হউ জন অকল, যেরা হউ মহা মছিবতর মাজ থাকি আইছে। তারার লেবাছরে মেড়া-বাইচ্চার লউদি ধইয়া ধলা বানাইছে।
15 এরলাগি এরা আল্লার তখতর ছামনে আছে;
16 এরার আর কুনুদিন ভুক লাগতো নায়,
17 তখতর মাজর মেড়া-বাইচ্চায়উ এরার রাখালি করবা।