1 Alatala, n kantama na i tan nan na,
2 I xa n nakisi, i xa n mali i xa tinxinyi kui.
3 I xa n kanta.
4 N Marigi Ala, n natanga mixi ɲaaxie sɛnbɛ ma,
5 N Marigi Alatala, n xaxili tixi i tan nan na
6 kabi n nu na n nga tɛɛgɛ i.
7 N findixi misaali nan na mixi wuyaxi bɛ,
8 N i matɔxɔma tɛmui birin.
9 I naxa mɛɛ n na n ma foriɲa kui,
10 N yaxuie n mafalama,
11 E naxɛ, «Ala bara a rabolo,
12 Ala, i naxa i makuya n na.
13 Ala xa e rayaagi, a xa e raɲɔn, naxee n tɔɔɲɛgɛma.
14 N xaxili tixi i ra kudɛ i.
15 N i xa tinxinyi nun i xa kisi tantuma lɔxɔɛ birin,
16 N i xa kaabanako rabaxie matɔxɔma nɛ.
17 Ala, i na n xaranfe kabi n dimɛdi tɛmui.
18 Ala, i naxa n nabɛɲin yakɔsi,
19 Ala, i xa tinxinyi gbo alɔ geya.
20 Hali i to bara a niya muxu xa tɔɔrɔ, muxu xa halaki,
21 I xa n xun nakeli, i xa n madundu.
22 N Marigi Ala, na kui n i tantuma nɛ kɔra ra
23 N bɛɛti bama nɛ i bɛ, n i matɔxɔ,
24 N i xa tinxinyi matɔxɔma nɛ tɛmui birin,