1 Dawuda xa bɛɛti bɛɛtibae xa mangɛ bɛ
2 Matɔxɔɛ na i tan Ala bɛ Siyoni geya fari.
3 Ala, i muxu xa maxandi birin mɛma nɛ.
4 Tantanyi to nɔ muxu ra, i bara muxu xa yunubi xafari.
5 I naxan sugandima a xa makɔrɛ i xa salide ra,
6 I muxu xa maxandi yaabima kaabanako nun tinxinyi ra.
7 I bara geya daa i sɛnbɛ ra
8 I bara baa xui radundu, mɔrɔnyi xui mu na.
9 Duniɲa birin gaaxuma nɛ i xa kaabanakoe ya ra.
10 I bɔxi mɛɛni, a a rafe fe fanyi ra.
11 I tunɛ ye sama bɔxi ma alako bɔxi xa bɔrɔxɔ sansi bɛ.
12 Xɛ xaba tɛmui i fe fanyi raminima nɛ.
13 Gbengberenyi fiilie nun geyae fanma nɛ.
14 Xurusee yiriwama nɛ fiili ma.