1 «Ɲaxankatɛ na i bɛ, taa matandila sɛniyɛntare,
2 A mu n xui suxuma, a mu n ma marasi rabatuma,
3 A xa kuntigie luma nɛ alɔ yɛtɛ
4 A xa namiɲɔnmɛe findixi yɛtɛ igboee nun yanfantee nan na,
5 Kɔnɔ Ala nan tinxin na mixie ya ma.
6 «N bara sie ɲaxankata,
7 N nu bara a fala e bɛ,
8 Alatala xa masenyi nan ya:
9 «N fama sie rasɛniyɛnde,
10 Kelife yire makuye dangife Kusi xuree ra,
11 Na lɔxɔɛ wo mu yaagima sɔnɔn wo xa fe rabaxie ra,
12 N tɔɔrɔmixie nun mixi magoroxie luma nɛ wo ya ma,
13 Isirayila dɔnxɔɛ mu fe ɲaaxi rabama sɔnɔn,
14 Siyon mixie, wo xa Ala matɔxɔ.
15 Alatala xa xɔnɛ bara gbilen wo fɔxɔ ra,
16 Na lɔxɔɛ a a falama nɛ Darisalamu bɛ,
17 Wo Marigi Alatala wo Rakisima na wo ya ma.
18 Alatala naxɛ, «N sunnunyi bama nɛ wo xa salie kui,
19 Na lɔxɔɛ n wo yaxuie ɲaxankatama nɛ,
20 Na lɔxɔɛ n wo ragbilenma nɛ wo xɔnyi.