1 Isa, Ala xa Mixi Sugandixi naxan fatan Dawuda nun Iburahima bɔnsɔɛ ra, a benbae xilie nan yi ki:
2 Iburahima naxa Isiyaga sɔtɔ.
3 Yuda naxa Peresi nun Sera sɔtɔ, Tamari xa die.
4 Arami naxa Aminadabo sɔtɔ.
5 Salimon naxa Boosu sɔtɔ, Raxabi xa di.
6 Obedo naxa Yisayi sɔtɔ.
7 Sulemani naxa Robowami sɔtɔ.
8 Asa naxa Yehosafati sɔtɔ.
9 Yusiya naxa Yotami sɔtɔ.
10 Xesekiya naxa Manasi sɔtɔ.
11 Yosiya naxa Yekoniya nun a xunyae sɔtɔ,
12 E to siga Babilɔn, Yekoniya naxa Salatiyeli sɔtɔ.
13 Sorobabeli naxa Abiyudi sɔtɔ.
14 Asoro naxa Sadɔki sɔtɔ.
15 Eliyudi naxa Eleyasari sɔtɔ.
16 Yaxuba naxa Yusufu sɔtɔ.
17 A birin nalanxi benba dɔxɔ fu nun naani, keli Iburahima ma sa dɔxɔ Dawuda ra. A birin nalanxi benba dɔxɔ fu nun naani, keli Dawuda ma, han Isirayilakae siga tɛmui naxɛ Babilɔn. A birin nalanxi benba dɔxɔ fu nun naani, keli Isirayilakae siga tɛmui ma Babilɔn, han a sa dɔxɔ Ala xa Mixi Sugandixi xa waxati ra.
18 Ala xa Mixi Sugandixi Isa xa bari raba yi ki nɛ: Yusufu nu bara Isa nga Mariyama xa kote dɔxɔ, kɔnɔ beenun e xa kafu, Mariyama naxa tɛɛgɛ Ala Xaxili Sɛniyɛnxi xa kaabanako saabui ra.
19 A xa mɔri Yusufu to findixi tinxintɔɛ ra, a mu nu waxi Mariyama xili kanafe. A naxa natɛ tongo e xa fatan gundoɲɔxɔɲa kui.
20 A nu a maɲɔxunma na fe ma tɛmui naxɛ, Marigi xa malekɛ nde naxa mini a ma xiye kui, a a masen a bɛ, «Yusufu, i tan naxan kelixi Dawuda bɔnsɔɛ, i naxa gaaxu i xa ginɛ Mariyama futife ra, barima a tɛɛgɛxi di naxan ma, a fatanxi Ala Xaxili Sɛniyɛnxi xa kaabanako nan na.
21 Mariyama fama di xɛmɛ nan baride. I xa a xili sa Isa, barima a tan nan fama a xa ɲama rakiside e xa yunubie ma.»
22 Na birin naba nɛ alako Marigi naxan masen namiɲɔnmɛ saabui ra, a xa kamali alɔ a sɛbɛxi Kitaabui kui ki naxɛ,
23 «Ginɛdimɛdi tɛɛgɛma nɛ, a di xɛmɛ bari.
24 Yusufu to xunu, a naxa Marigi xa malekɛ xa yaamari rabatu, a a xa ginɛ xa futi xiri.
25 Kɔnɔ a mu a kolon ginɛ ra han Mariyama xa di xɛmɛ bari xanbi. A naxa na di xili sa Isa.