1 «Mixi mu nɔma a ra,
2 Xa mixi mu suusama a ya ra,
3 Nde n donixi se nde ra n naxan nagbilenma a ma?
4 N mu nɔma dundude na sɔɲɛ xa fe ma,
5 A bura fɛɛrɛ na nde bɛ?
6 Nde nɔma a dɛ rabide?
7 Xalee fatuxi a kiri ma alɔ sɔɔri xa wure lefa,
8 e xɛtɛnxi e bore ra,
9 e fatuxi e bore ma a fanyi ra.
10 A na ɲɛngi sɛnbɛ ra,
11 Tɛ yiriyiri minima a dɛ i,
12 Tuuri nde minima a ɲɔɛ,
13 A ɲɛngi findima tɛ ra,
14 Sɛnbɛ xutunxi a kɔnyi ra,
15 A kiri xɔrɔxɔ, a sɛnbɛ gbo.
16 A kanke luxi alɔ gɛmɛ xungbe.
17 A na ti, limaniya bama nɛ sɛnbɛmae yi ra,
18 Santidɛgɛma na din a ra,
19 Wure luxi nɛ a bɛ alɔ sɛxɛ,
20 A mu gaaxuma tanbɛe ya ra,
21 Gbendegela luma a bɛ alɔ sɛxɛ,
22 Bɛlɛ xɛɲɛnxi nde nun tunbee na a furi bunyi,
23 A baa ixufuxufuma alɔ ye nɛ satunma,
24 A na a ɲɛrɛ ye xɔɔra,
25 Mangɛ yo mu a bɛ duniɲa,
26 A a ya ragoroma nɛ daalise yɛtɛ igboe ma,