1 Na lɔxɔɛ, Alatala ninginangɛ magaaxuxi ɲaxankatama nɛ a xa santidɛgɛma xungbe ra.
2 Na lɔxɔɛ, wo xa bɛɛti ba n ma wɛni bili fanyie xa fe ra.
3 N tan Alatala nan na a kantama ra.
4 N xɔnɔ xɔnɔ, kɔnɔ xa n sa tunbee li naa,
5 Xa a sa li e naxa fa n yire lanyi xiride,
6 Lɔxɔɛ na fafe, Yaxuba bɔnsɔɛ a sanke sɔrɔnma nɛ,
7 Alatala Yaxuba bɔnsɔɛ bɔnbɔ nɛ, alɔ a e yaxuie bɔnbɔ ki naxɛ?
8 A xa xɔnɛ naxa din e ra, a e xanin alɔ foye xungbe.
9 Yaxuba bɔnsɔɛ xa yunubie xafari na ki nɛ.
10 Taa sɛnbɛmae bara kiro,
11 Wuri salonyie na xara, ginɛe nu e gan tɛ ra.
12 Na lɔxɔɛ, Alatala wuri bilie imaxama nɛ, keli Efirati xure dɛ ra han Misira xure dɛ ra. A wo tan Isirayila xa die birin matongoma nɛ keren keren.
13 Na lɔxɔɛ, feri xungbe fema nɛ, alako mixi naxee nu lɔɛxi Asiriya bɔxi ma, a nun naxee nu yensenxi Misira bɔxi ma, e birin gbilenma nɛ, e fa suyidi Alatala bɛ geya sɛniyɛnxi fari Darisalamu.