1 Na dangi xanbi Munsa nun Isirayilakae naxa yi bɛɛti ba Alatala bɛ.
2 N sɛnbɛ na Alatala nan na.
3 Sɛnbɛma nan Ala ra.
4 A naxa Firawuna xa sɔɔrie nun e ragisee rasin baa ma.
5 Mɔrɔnyie naxa e makoto,
6 Alatala, i sɛnbɛ magaaxu.
7 I xa mangɛya sɛnbɛ magaaxu.
8 I xa foye naxa Xulunyumi baa rabi,
9 Isirayila yaxui a fala nɛ,
10 Kɔnɔ i tan naxa foye ramini,
11 Alatala, i maniyɛ mu na adama xa alae ya ma.
12 I to i sɛnbɛ ramini,
13 I xa ɲama naxan xun saraxi,
14 Ɲamanɛ gbɛtɛe na na mɛ,
15 Edon yareratie ifuma nɛ,
16 Alatala, gaaxui nun kɔntɔfili e suxuma nɛ,
17 I fama nɛ i xa ɲama rasabatide i xa geya fari,
18 Alatala xa mangɛya buma abadan.»
19 Firawuna xa soe, a xa sɔɔri ragisee, nun a xa soe ragimae to goro baa ma, Alatala naxa baa radin e xun ma, kɔnɔ Isirayilakae naxa dangi kira xaraxi ra baa tagi.
20 Haruna maaginɛ Mariyama, naxan findixi namiɲɔnmɛ ginɛ ra, a naxa boote maxa. Ginɛ gbɛtɛe naxa fare boron.
21 Mariyama naxa yi bɛɛti ba,
22 Munsa naxa Isirayilakae xun ti Suru gbengberenyi rakelife Xulunyumi Baa dɛ ra. E naxa e ɲɛrɛ xi saxan gbengberenyi ma, e mu ye sɔtɔ.
23 E naxa Mara li, kɔnɔ e mu nɔ Mara ye minde barima na ye nu xɔnɔ. «Mara» wama «xɔnɛ» nan falafe.
24 Ɲama naxa sɔnxɔ Munsa ma, «Won ye sɔtɔma minden?»
25 Munsa naxa a dɛ rawa Alatala xɔn ma. Alatala naxa wuri mɔɔli nde masen Munsa bɛ, a fa na woli ye xɔɔra, ye xɔnɛ naxa ba. Alatala to gɛ e xaxili matode mɛnni, a naxa yi saatɛ tongo e bɛ,
26 «Xa wo wo tuli mati n xui ra a fanyi ra, xa wo bira n ma tinxinyi fɔxɔ ra, xa wo n ma yaamari birin suxu, wo n ma sɛriyɛ birin binya, n tan, wo Marigi Alatala, n mu fure ɲaaxi yo ragoroma wo ma, alɔ n naxan nagoro Misirakae ma. N tan nan Alatala ra, naxan wo rayalanma.»
27 E to dulonyi fu nun firin nun tugi bili tongo solofere li Elimi, e naxa yonkin mɛnni.