1 N fe xɔrɔxɔɛ gbɛtɛ nan to yi duniɲa ma:
2 Ala bannaya nun binyɛ ragirixi mixi nde ma han a wasa na birin na, kɔnɔ Ala fa a niya a mu xan a yi, a fa a lu mixi gbɛtɛ yi ra. Fe fufafu nan na ki naxan xɔrɔxɔ a gbe ra.
3 Hali mixi di kɛmɛ sɔtɔ, a naxa simaya xɔn kuye sɔtɔ, xa a mu nɔma sɛɛwade a harige ra, ɲama mu fa a ragata gaburi kui a ragata ki ma, diyɔrɛ naxan baxi a nga furi, na fisa na kanyi bɛ.
4 Na diyɔrɛ mu findima a ra, a kelima dimi nan kui, a xili yati mu falama.
5 A mu soge xa naiyalanyi toxi, a mu sese kolonxi, kɔnɔ a xa fe fisa na naafuli kanyi bɛ,
6 hali naafuli kanyi fa lu duniɲa ma ɲɛ wulu firin sɛɛwɛtareɲa kui. E birin mu sigama aligiyama xɛ?
7 Mixi xa katɛ birin nabama furi fe nan ma fe ra,
8 Munse luma xaxilima yi ra
9 Se toxi fisa maɲɔxunyi bɛ?
10 Daalise birin ɲan bara xili sɔtɔ,
11 Wɔyɛnyi na gbo, fe fufafu fan gboma nɛ.
12 Nde a kolon fe naxan fan adamadi bɛ a xa duniɲɛigiri kui, naxan dangima mafuren mafuren alɔ niini? Nde nɔma a falade a bɛ fe naxan nabama a faxa xanbi?