1 Mangɛ Sulemani nu Isirayila bɔxi birin yamarima.
2 A xa kuntigi xungbee nan yi ki:
3 Sifa xa di Elixorefa nun Ahiya, naxee findi sɛbɛlitie ra.
4 Yehoyada xa di Bɛnaya, naxan findi sɔɔrie xa mangɛ ra.
5 Natan xa di Asariyahu, naxan findi gominae xa mangɛ ra.
6 Ahisari, naxan findi mangɛ xa banxi walikɛe xunyi ra.
7 Mangɛ Sulemani nu bara gomina fu nun firin ti Isirayila bɔxi xun ma. Kike yo kike ɲɛ kui, gomina keren nu fama baloe ra mangɛ nun a xa denbaya bɛ.
8 E xilie nan ya:
9 Dekeri xa di, naxan nu gomina ra Makasa, Saalabimi, Beti Semesi, Elon, nun Beti Hanan taae xun ma.
10 Xeseda xa di, naxan nu gomina ra Arubotu, Soko, nun Xeferi bɔxi xun ma.
11 Abinadabo xa di, naxan nu gomina ra Dɔrɔ bɔxi xun ma,
12 Axiludu xa di Bana, naxan nu gomina ra Taanaki, Megido, nun Beti Saan xun ma,
13 Geberi xa di, naxan nu gomina ra Ramoti, Galadi bɔxi ma.
14 Ido xa di Axinadabo nan nu gomina ra Maxanayimi xun ma.
15 Aximaasi nan nu gomina ra Nafatali bɔxi xun ma,
16 Xusayi xa di Bana nan nu gomina ra Aseri nun Beyaloti xun ma.
17 Paruwa xa di Yehosafati nan nu gomina ra Isakari bɔxi xun ma.
18 Ela xa di Simeyi nan nu gomina ra Bunyamin bɔxi xun ma.
19 Uri xa di Geberi nan nu gomina ra Galadi bɔxi xun ma,
20 Yudayakae nun Isirayilakae nu wuya alɔ baa dɛ ra mɛyɛnyi. E nu e dɛgema, e nu e minma sɛɛwɛ kui.