1 E to so Darisalamu, e naxa Ala xa saatɛ kankira dɔxɔ hɔrɔmɔlingira kui, Dawuda naxan yailanxi a lude ra. E naxa sɛrɛxɛ gan daaxi nun xanunteya sɛrɛxɛ ba.
2 Dawuda to gɛ na sɛrɛxɛe bade, a naxa duba Isirayila ɲama bɛ Alatala xili ra.
3 Na xanbi a naxa taami, sube, nun donse ɲɔxunmɛ so Isirayilakae birin yi ra.
4 A Lewika naxee sugandi dubafe ra ɲama bɛ, e Isirayila Marigi Alatala matɔxɔ, e a tantu a xa saatɛ kankira ya ra. Nee xilie nan ya:
5 Asafi, naxan findi e xunyi ra, Sakari, naxan na na xanbi ra, Yeyiyeli, Semiramoti, Yɛxiyɛli, Matitiya, Eliyabi, Bɛnaya, Obedo Edon, nun Yeyiyeli. Kɔrae nu na e yi ra, maxasee nu na Asafi yi ra.
6 Sɛrɛxɛdubɛ Bɛnaya nun Yaxasiyeli nu sarae fema Ala xa saatɛ kankira ya ra.
7 Na lɔxɔɛ Dawuda naxa yi bɛɛti so Asafi nun a xa mixie yi ra alako e xa Alatala tantu.
8 Wo Alatala matɔxɔ, wo a maxandi.
9 Wo bɛɛti ba a bɛ, wo a tantu binyɛ kui.
10 Wo a xili sɛniyɛnxi matɔxɔ.
11 Wo xa bira Alatala nun a sɛnbɛ fɔxɔ ra.
12 Wo wo ratu a xa kaabanakoe ma,
13 Wo tan Isirayila bara findi a xa konyie ra.
14 Alatala nan na won Marigi Ala ra,
15 Wo wo ratu a xa saatɛ ma tɛmui birin,
16 A na saatɛ naxan tongo Iburahima bɛ,
17 A na nan xirixi e nun Yaxuba tagi,
18 Na saatɛ nan ya:
19 Wo mu nu gbo,
20 Wo to siga ɲamanɛ gbɛtɛe ma,
21 Ala mu tin mixi yo xa wo ɲaxankata.
22 «Wo naxa wo bɛlɛxɛ din n ma mixi sugandixie ra,
23 Duniɲa birin xa bɛɛti ba Alatala bɛ.
24 Wo xa a xa fe fanyie tagi raba si gbɛtɛe bɛ,
25 Alatala sɛnbɛ gbo, a lanma won xa a matɔxɔ.
26 Wule nan na si gbɛtɛe xa alae ra,
27 Nɔrɛ xungbe na a yi ra,
28 Si birin, wo xa Alatala matɔxɔ,
29 Wo xa a xili matɔxɔ,
30 Adama birin xa sɛrɛn a ya ra.
31 Koore nun duniɲa xa sɛɛwa,
32 Baa nun yɛxɛɛe xa Ala sɛnbɛ masen,
33 Wondi wuri xa Alatala xili masen,
34 Wo xa Alatala tantu barima a fan,
35 Wo xa a masen Ala bɛ,
36 Tantui na Isirayila Marigi Alatala bɛ tɛmui birin.»
37 Dawuda naxa Asafi nun a xunyae yamari e xa mɛɛni Alatala xa saatɛ kankira ma tɛmui birin.
38 A naxa Yedutun xa di Obedo Edon, nun Xosa, a nun a xa mixi tongo senni nun solomasaxan yamari e xa hɔrɔmɔlingira naadɛ kanta.
39 Sɛrɛxɛdubɛ Sadɔki nun a xa mixie naxa lu Alatala xa hɔrɔmɔlingira naxan nu na Gabayon geya fari.
40 A nu lan nɛ e xa sɛrɛxɛ gan daaxi ba gɛɛsɛgɛ nun nunmare tɛmui Alatala bɛ alɔ a sɛbɛxi Isirayilakae bɛ kitaabui kui ki naxɛ.
41 Heman, Yedutun, nun boore naxee nu sugandixi fan nu na alako e xa Alatala tantu, barima a xa fonisireya mu ɲɔnma abadan.
42 Heman nun Yedutun nu sarae fema, e nu maxasee raberema alako e xa bɛɛti ba Alatala bɛ. Yedutun xa die nan nu na naadɛ kantɛe ra.
43 Na dangi xanbi, ɲama birin naxa siga e xɔnyi. Dawuda fan naxa gbilen a xɔnyi, a xa duba a xa denbaya bɛ.