1 Ie se sale nenex ti Jises Krais. Jises Krais i nakuama ti David a David nakuama ti Abraham.
2 Abraham tel tame Aisak,
3 Juda tel tame Peres ma Sera, tinalalu Tamar.
4 Ram tel tame Aminadab,
5 Salmon tel tame Boas, tinan Rahab.
6 Jesi tel tame tel masiwi David.
7 Solomon tel tame Rehoboam,
8 Asa tel tame Jeosapat,
9 Usaia tel tame Jotam,
10 Hesekaia tel tame Manase,
11 Josaia tel tame Jehoiakin ma tesol ukalan.
12 Muhin ti lato kalabus kewa ti Babilon:
13 Serubabel tel tame Abiud,
14 Asor tel tame Sadok,
15 Eliud tel tame Eleasar,
16 Jekop tel tame Josep, tel axoi Mary, tetel tini Jises,
17 Tataen Abraham hanima David, nakuale huopanim hinalo. David hanima tataen ti lato kalabus hani Babilon, nakuale tin huopanim hinalo ape huopanim hinalo hani tataen takahe Krais.
18 Sale takahe Jises Krais. Tel tinan Mary laha kilami hani axoi Josep, tuahe imat ti lalu sal, liai i petiwen akaik ti pohe Holi Spirit.
19 Josep se seilon sawisawin, i watakai hahienai Mary ti puli lawe seilon. Aile ape i namiloi na i tua lioi hakokol Mary.
20 Lokon ti i to nanamiloi, tel engel, spirit solian ti tel Masiwi Haeu, sohot hani i ti paxangongo, i ukek, “Josep, tel kahi nati David, kum maamata waxiai axoam Mary. Tel akaik he tian i pet ti pohe Holi Spirit.
21 I hatakaha tel akaik wawan, o axaiwa axan Jises nake i awai seilon ti kawate saun lialun ti laha.”
22 Hatesol waliko ie i sohot hapoponowi hawane kakai Haeu masin ti tel seilon kuluiai kakaian kakawen, i ukek,
23 “Tel hehin tenen i tai eng akakati tel na wawan
24 Muhin ti Josep haiwa, i waxi Mary hanowi ti tel engel ti Haeu kaakane i.
25 Tuahe Josep tai eng akati i hani tataen tel akaik takah. Ape Josep axai axan Jises.