1 Disi na den afo fu Yesus Kristus. Yesus ben de wan bakapikin fu David, nanga fu Abraham.
2 Abraham ben de a p'pa fu Isak,
3 Nanga Tamar Yuda kisi Peres
4 Aram ben de a p'pa fu Aminadab,
5 Nanga Rakab Salmon kisi Boas.
6 Isai ben de a p'pa
7 Salomo ben de a p'pa
8 Asa ben de a p'pa fu Yosafat,
9 Usia ben de a p'pa fu Yotam,
10 Hiskia ben de a p'pa fu Manasa,
11 Yosia ben de a p'pa fu Yekonya
12 Baka di den tyari den gwe,
13 Serubabel ben de a p'pa
14 Asor ben de a p'pa fu Sadok,
15 Elihud ben de a p'pa fu Eleasar,
16 Yakob ben de a p'pa fu Yosef,
17 So wi e teri tin-na-fo afo fu Abraham kon miti David, nanga tin-na-fo afo fu David kon miti a ten di den feyanti fu den Dyusma ben tyari den gwe na Babiloniakondre. Dan fu a ten di den Dyusma ben de ini Babiloniakondre, kon miti a ten di a Mesias gebore, wi e teri tin-na-fo afo tu.
18 Na so Yesus Kristus kon gebore. Maria, a m'ma fu Yesus, ben de fu trow nanga Yosef. Ma fosi den go libi makandra, Maria ben hori bere. Ma na a Santa Yeye ben meki dati psa.
19 Dan fu di Yosef ben de wan bun sma, a ben wani kibri Maria fu a syen di a bo kisi te sma bo yere a sani disi. Fu dat'ede a ben wani prati nanga en na wan safri fasi.
20 Ma di Yosef prakseri a sani dati, ne wan engel fu Masra sori ensrefi na en ini wan dren. A engel taigi en taki: “Yosef, bakapikin fu David, yu no abi fu frede fu teki Maria leki yu wefi. Bika na a Santa Yeye meki tak' a de nanga bere.
21 A sa kisi wan manpikin, di yu mus kari Yesus. Bika na En sa ferlusu En pipel fu den sondu.”
22 Ala den sani disi psa, fu meki a sani san Masra ben meki a profeiti taki kon tru. A ben taki:
23 “Luku, wan yongu uma di noiti no sribi nanga wan man ete, sa kisi bere. A sa kisi wan manpikin, di den sa kari Emanuel.” (Emanuel wani taki: Gado de nanga wi.)
24 Di Yosef wiki, a du san a engel fu Masra taigi en, a trow nanga Maria.
25 Ma a no sribi nanga en leki man nanga frow te leki Maria kisi a boi. Di A gebore Yosef kari En Yesus.