1 Mape Moses Israel apanawa diamone wanase, “Israel apanawa, ne anaana uduudu enaledina ruawaitonuna, e epe dewaitonune wanlempe ita aitane Iawe God, nosinosila Godiu tawo enalepio wadane bedewe waina.
2 Iawe God, e Godila anaanawa ne dialedina, anaana sa bedewe mai da wadanaaubena ba da eba osowesane ituna, dia. Tane anaana ema e ruawaitonune wanlempa, mai ena, dia.
6 E anaana ema deaitopa ruawaitonune wanlempaa mampe bola isiwa apanawa e insaisala dodomana ita atenla debama ewapu. Ita mo anaana ema uduudu etapue wapuase,
7 Iawe God ipa no mainimboido ita no rauparintitana me saunede, mai bola isiwa debama ba kerakera apanau godiu da epe wainipona, dia.
8 Ande anaana ema uduudu ne dialedina ipa dodomana ita eubu winei, mai bola isiwa debamau ba kerakera anaanau epe rua wineipona, dia.
39 E sumanaitane insenadewaitana Iawe me meba os ipa God uboo ita tawo osowe wande, ita mai god da wainipona, diaida.
40 Anaana ema uduudu ande ne enaledina ruawaitonune wanlempa. Ema mampe e ita e nosinosila do wanwan euda Iawe e Godila bola enalediawo wankasaitana.”