1 Komu adeina Gotikafo autefo-kolofate-mota ka logimami, ya kamena malo-malo ido mona ailo-ailo ya polofete wenido melaito, mona gilibimo idamo ne.
2 Etito nefa, ido oiya ama kamena naba alitido ya moda Nalafo welalo melaito mona lilibami ne. Ido aya we Nalafo ya neta-mata muki moda aboga minenaiye, loto iyaina o edami we, ya mika kosina muki olu oloto pinae, loto imo, ya Nalafokafo olu oloto pi fuli limo ne.
3 Amo ya Goti ekeina lamenala ido aimola lebonala ona minoto, ido kala aumala nemo yakafo neta-mata muki olu auma wi gede minami we yakafo lifima noku wiyami lonola olu fuli loito, ya akaiya kuliyai we wenaba ana onaleka amedoto minaiye.
4 Etito Melafokafo Nalafo kuliya naba iya ku edami yakafo enisole kulini olu fulo edami yamaidana oto amo moda dito neto, ido enisole ya lumuti minae.
5 Moda kolafe? Amokafo eti limo,loto loumuto (Sng 2:7), ido ka ma ya eti limo,loto ka mono lufuwau (2 Sml 7:14) nemo ka ya enisole mamu life? E’e, enisole yamu ádaiye.
6 Ido Kana Nalafo mikaleka ilifi melenae, loto imo kamenalo yaki ka ma ya eti limo,loto ka mono lufuwau (Lo 32:43, Sng 97:7) ya nemo ne.
7 Ido ka ma ya enisole yamu ya eti limo,loto ka mono lufuwau (Sng 104:4) nemo ka ya enisole yamu lifa,
8 ido Nalafo yamu ya eti limo,
9 loto ka mono lufuwau (Sng 45:6-7) nemo ka ya Nalafo loumami ka ya ne.
10 Ido ka ma ya eti loto loumami,
12 loto ka mono lufuwau (Sng 102:25-27) nemo ka ya Nalafo loumami ka ya ne.
13 Ido ka ma ya eti loto loumami,loto ka mono lufuwau (Sng 110:1) nemo ka ya kamena malo ya enisole mamu yaki life? E’e, enisole yamu ádaiye.
14 Enisole muki ya Goti kouba-naba wenenala, ouna-ana yaidana oti minamo, ya olu omuni kenami mona mele gedami wenena ani olu faka lenawae, loto gilifi melami ne, loti ya ma kolámafe?