1 ⲁⲩⲱ ⲁⲡϫⲟⲉⲓⲥ ϣⲁϫⲉ ⲛⲛⲁϩⲣⲙ ⲙⲱⲩⲥⲏⲥ ⲉϥϫⲱ ⲙⲙⲟⲥ ϫⲉ</ab>
2 ϩⲱⲛ ⲉⲧⲟⲟⲧⲟⲩ ⲛⲛϣⲏⲣⲉ ⲙⲡ ⲛⲅϫⲟⲟⲥ ⲛⲁⲩ ϫⲉ ⲛⲧⲱⲧⲛ ⲧⲉⲧⲛⲁⲃⲱⲕ ⲉϩⲟⲩⲛ ⲉⲡⲕⲁϩ ⲛⲭⲁⲛⲁⲁⲛ ⲡⲁⲓ ⲛⲁϣⲱⲡⲉ ⲛⲏⲧⲛ ⲉⲩⲕⲗⲏⲣⲟⲛⲟⲙⲓⲁ ⲡⲕⲁϩ ⲛⲭⲁⲛⲁⲁⲛ ⲙⲛ ⲛⲉϥⲧⲟϣ</ab>
3 ⲁⲩⲱ ⲥⲛⲁϣⲱⲡⲉ ⲛⲏⲧⲛ ⲛϭⲓ ⲧⲕⲗϫⲉ ⲙⲡⲥⲁ ⲙⲡⲉⲙⲛⲧ ϫⲓⲛ ⲛⲧⲉⲣⲏⲙⲟⲥ ⲛⲥⲓⲛ ϣⲁ ⲧⲉⲧϩⲓⲧⲟⲩⲛ ⲉⲇⲱⲙ ⲁⲩⲱ ⲥⲉⲛⲁϣⲱⲡⲉ ⲛⲏⲧⲛ ⲛϭⲓ ⲛⲧⲟϣ ⲙⲡⲉⲙⲛⲧ ϫⲓⲛ ⲙⲡⲙⲉⲣⲟⲥ ⲛⲑⲁⲗⲁⲥⲥⲁ ⲙⲙⲗϩ ϫⲓⲛ ⲙⲙⲁ ⲛϣⲁ</ab>
4 ⲁⲩⲱ ⲥⲉⲛⲁⲕⲱⲧⲉ ⲉⲣⲱⲧⲛ ⲛϭⲓ ⲛⲧⲟϣ ϫⲓⲛ ⲡⲉⲙⲛⲧ ⲛⲟⲩϩⲓⲏ ⲛⲉⲓ ⲉϩⲣⲁⲓ ⲉⲁⲕⲣⲁⲃⲓⲛ ⲁⲩⲱ ϥⲛⲁⲡⲁⲣⲁⲅⲉ ⲛϭⲓ ⲥⲉⲛⲛⲁⲕ ⲁⲩⲱ ⲥⲛⲁϣⲱⲡⲉ ⲛϭⲓ ⲧⲉϥϩⲓⲏ ϩⲓ ⲡⲉⲙⲛⲧ ⲛⲕⲁⲇⲏⲥ ⲃⲁⲣⲛⲏ ⲁⲩⲱ ϥⲛⲁⲃⲱⲕ ⲉⲧⲉⲣⲥⲱ ⲛⲁⲣⲁⲇ ⲛϥⲡⲁⲣⲁⲅⲉ ⲛⲛⲁⲥⲉⲙⲙⲱⲛⲁ</ab>
5 ⲁⲩⲱ ϥⲛⲁⲕⲱⲧⲉ ⲉⲛⲧⲟϣ ϫⲓⲛ ⲁⲥⲉⲙⲙⲱⲛⲁ ⲡⲉⲭⲓⲙⲁⲣⲣⲟⲥ ⲛⲕⲏⲙⲉ ⲛⲧⲉ ⲑⲁⲗⲁⲥⲥⲁ ϣⲱⲡⲉ ⲛϩⲓⲏ ⲛⲁϥ</ab>
6 ⲁⲩⲱ ⲛⲧⲟϣ ⲛⲑⲁⲗⲁⲥⲥⲁ ⲛⲁϣⲱⲡⲉ ⲛⲏⲧⲛ ⲧⲉⲑⲁⲗⲁⲥⲥⲁ ⲛⲟϭ ⲁⲩⲱ ⲡⲧⲟϣ ⲡⲉ ⲡⲁⲓ ⲉⲧⲛⲁϣⲱⲡⲉ ⲛⲏⲧⲛ ⲛⲧⲟϣ ⲛⲧⲉⲑⲁⲗⲁⲥⲥⲁ</ab>
7 ⲁⲩⲱ ⲡⲁⲓ ⲉⲧⲛⲁϣⲱⲡⲉ ⲛⲧⲟϣ ⲛⲏⲧⲛ ⲉⲡⲥⲁ ⲙⲡⲉⲙϩⲓⲧ ϫⲓⲛ ⲑⲁⲗⲁⲥⲥⲁ ⲛⲟϭ ⲉⲧⲉⲧⲛⲉϣⲓ ⲛⲏⲧⲛ ϩⲱⲧⲧⲏⲩⲧⲛ ϩⲁⲣⲁⲧϥ ⲙⲡⲧⲟⲟⲩ</ab>
8 ⲁⲩⲱ ϫⲓⲛ ⲙⲡⲧⲟⲟⲩ ⲉⲡⲧⲟⲟⲩ ⲉⲧⲉⲧⲛⲉϣⲓ ⲛⲏⲧⲛ ⲉⲃⲱⲕ ⲉϩⲟⲩⲛ ⲉⲏⲙⲁⲑ ⲁⲩⲱ ⲥⲡⲁϣⲱⲡⲉ ⲛϭⲓ ⲧⲉϥϩⲓⲏ ⲉⲛⲧⲟϣ ⲛⲥⲁⲇⲁⲣⲁⲕ</ab>
9 ⲁⲩⲱ ⲛϥⲃⲱⲕ ⲉϩⲟⲩⲛ ⲉⲛⲧⲟϣ ⲛⲛⲉⲫⲣⲱⲛⲁ ⲁⲩⲱ ⲥⲛⲁϣⲱⲡⲉ ⲛϭⲓ ⲧⲉϥϩⲓⲏ ⲉⲁⲥⲉⲣⲛⲁⲉⲓⲛ ⲡⲁⲓ ⲛⲁϣⲱⲡⲉ ⲛⲏⲧⲛ ⲛⲧⲟϣ ϫⲓⲛ ⲡⲉⲙϩⲓⲧ</ab>
10 ⲁⲩⲱ ⲉⲧⲉⲧⲛⲉϣⲓ ⲛⲏⲧⲛ ⲙⲁⲩⲁⲁⲧⲧⲏⲩⲧⲛ ⲛⲛⲧⲟϣ ⲛⲙⲙⲁ ⲛϣⲁ ϫⲓⲛ ⲁⲥⲉⲣⲛⲁⲉⲓⲛ ⲥⲉⲡⲫⲁⲙⲁⲣ</ab>
11 ⲁⲩⲱ ⲥⲉⲛⲁⲉⲓ ⲉⲡⲉⲥⲏⲧ ⲛϭⲓ ⲛⲧⲟϣ ⲛⲥⲉⲡⲫⲁⲙⲁⲣ ⲃⲏⲗⲁ ϫⲓⲛ ⲙⲙⲁ ⲛϣⲁ ⲉϩⲣⲁⲓ ⲉϫⲛ ⲛϩⲟⲛⲃⲉ ⲁⲩⲱ ⲛⲥⲉⲉⲓ ⲉⲡⲉⲥⲏⲧ ⲛϭⲓ ⲛⲧⲟϣ ⲛⲃⲏⲗⲁ ⲉϫⲙ ⲡⲥⲁⲣⲏⲥ ⲛⲑⲁⲗⲁⲥⲥⲁ ⲛⲭⲉⲛⲛⲁⲣⲁ ϫⲓⲛ ⲙⲙⲁ ⲛϣⲁ</ab>
12 ⲁⲩⲱ ⲛⲥⲉⲉⲓ ⲉⲡⲉⲥⲏⲧ ⲛϭⲓ ⲛⲧⲟϣ ⲉϩⲣⲁⲓ ⲉϫⲙ ⲡⲓⲟⲣⲇⲁⲛⲏⲥ ⲁⲩⲱ ⲛⲥϣⲱⲡⲉ ⲛϭⲓ ⲧⲉϩⲓⲏ ⲛⲧⲉ ⲑⲁⲗⲁⲥⲥⲁ ⲙⲙⲗϩ ⲡⲉⲓⲕⲁϩ ⲛⲁϣⲱⲡⲉ ⲛⲏⲧⲛ ⲙⲛ ⲛⲉϥⲧⲟϣ ⲉⲧⲕⲱⲧⲉ</ab>
13 ⲁⲩⲱ ⲁⲙⲱⲩⲥⲏⲥ ϩⲱⲛ ⲉⲧⲟⲟⲧⲟⲩ ⲛⲛϣⲏⲣⲉ ⲙⲡ ⲉϥϫⲱ ⲙⲙⲟⲥ ϫⲉ ⲡⲁⲓ ⲡⲉ ⲡⲕⲁϩ ⲉⲧⲉⲧⲛⲁⲕⲗⲏⲣⲟⲛⲟⲙⲉⲓ ⲙⲙⲟϥ ϩⲛ ⲟⲩⲕⲗⲏⲣⲟⲥ ⲕⲁⲧⲁ ⲑⲉ ⲛⲧⲁⲡϫⲟⲉⲓⲥ ⲟⲩⲉϩⲥⲁϩⲛⲉ ⲙⲙⲟϥ ⲛⲧⲉⲯⲓⲧⲉ ⲙⲫⲩⲗⲏ ⲙⲛ ⲧⲡⲁϣⲉ ⲛⲧⲉⲫⲩⲗⲏ ⲙⲙⲁⲛⲁⲥⲥⲏ</ab>
14 ⲁⲩⲱ ⲁⲥϫⲓ ⲛϭⲓ ⲧⲉⲫⲩⲗⲏ ⲛⲛϣⲏⲣⲉ ⲛⲅⲁⲇ ⲕⲁⲧⲁ ⲛⲏⲓ ⲛⲛⲉⲩⲡⲁⲧⲣⲓⲁ ⲁⲩⲱ ⲧⲡⲁϣⲉ ⲛⲧⲉⲫⲩⲗⲏ ⲙⲙⲁⲛⲁⲥⲥⲏ ⲁⲩϫⲓⲛⲉⲩⲕⲗⲏⲣⲟⲥ</ab>
15 ⲫⲩⲗⲏ ⲛⲧⲉⲩϭⲟⲥ ⲁⲩϫⲓ ⲛⲉⲩⲕⲗⲏⲣⲟⲥ ϩⲓ ⲡⲉⲕⲣⲟ ⲙⲡⲓⲟⲣⲇⲁⲛⲏⲥ ⲙⲡⲉⲙⲧⲟ ⲉⲃⲟⲗ ⲛϩⲓⲉⲣⲓⲭⲱ ⲙⲡⲥⲁ ⲙⲡⲣⲏⲥ ⲛⲛⲙⲙⲁ ⲛϣⲁ</ab>
16 ⲁⲩⲱ ⲡϫⲟⲉⲓⲥ ⲁϥϣⲁϫⲉ ⲙⲛ ⲡⲱⲩⲥⲏⲥ ⲉϥϫⲱ ⲙⲙⲟⲥ</ab>
17 ϫⲉ ⲡⲁⲓ ⲡⲉ ⲡⲣⲁⲛ ⲛⲛⲣⲱⲙⲉ ⲉⲧⲛⲁⲕⲗⲏⲣⲟⲛⲟⲙⲉⲓ ⲙⲡⲕⲁϩ ⲉⲗⲉⲁⲍⲁⲣ ⲡⲟⲩⲏⲏⲃ ⲙⲛ ⲓⲏⲥⲟⲩ ⲡϣⲏⲣⲉ ⲛⲛⲁⲩⲏ</ab>
18 ⲁⲩϣ ⲧⲉⲧⲛⲉϫⲓ ⲛⲟⲩⲁⲣⲭⲱⲛ ⲕⲁⲧⲁ ⲫⲩⲗⲏ ⲉⲧⲣⲉⲧⲉⲧⲛⲕⲗⲏⲣⲟⲛⲟⲙⲉⲓ ⲙⲡⲕⲁϩ</ab>
19 ⲁⲩⲱ ⲛⲁⲓ ⲛⲉ ⲛⲣⲁⲛ ⲛⲛⲣⲱⲙⲉ ⲉⲃⲟⲗ ϩⲛ ⲧⲉⲫⲩⲗⲏ ⲛⲓⲟⲩⲇⲁ ⲭⲁⲗⲉⲃ ⲡϣⲏⲣⲉ ⲛⲓⲉⲫⲟⲛⲏ</ab>
20 ⲉⲃⲟⲗ ϩⲛ ⲧⲉⲫⲩⲗⲏ ⲛⲥⲩⲙⲉⲱⲛ ⲥⲁⲗⲁⲙⲓⲏⲗ ⲡϣⲏⲣⲉ ⲛⲉⲙⲓⲟⲩⲇ</ab>
21 ⲉⲃⲟⲗ ϩⲛ ⲧⲉⲫⲩⲗⲏ ⲛⲃⲉⲛⲓⲁⲙⲓⲛ ⲉⲗⲇⲁⲇ ⲡϣⲏⲣⲉ ⲛⲭⲉⲗⲱⲛ</ab>
22 ⲉⲃⲟⲗ ϩⲛ ⲧⲉⲫⲩⲗⲏ ⲛⲇⲁⲛ ⲡⲁⲣⲭⲱⲛ ⲃⲁⲭⲓⲣ ⲡϣⲏⲣⲉ ⲛⲉⲅⲗⲉⲓ</ab>
23 ⲉⲃⲟⲗ ϩⲛ ⲛϣⲏⲣⲉ ⲛⲓⲱⲥⲏⲫ ⲡⲁⲣⲭⲱⲛ ⲉⲧⲉⲫⲩⲗⲏ ⲙⲙⲁⲛⲁⲥⲥⲏ ⲁⲛⲓⲏⲗ ⲡϣⲏⲣⲉ ⲛⲥⲟⲩⲫⲓ</ab>
24 ⲡⲁⲣⲭⲱⲛ ⲛⲛϣⲏⲣⲉ ⲛⲉⲫⲣⲁⲓⲙ ⲥⲁⲙⲟⲩⲏⲗ ⲡϣⲏⲣⲉ ⲛⲥⲁⲃⲁⲑ</ab>
25 ⲡⲁⲣⲭⲱⲛ ⲛⲧⲉⲫⲩⲗⲏ ⲛⲍⲁⲃⲟⲩⲗⲱⲛ ⲉⲗⲓⲥⲁⲫⲁⲛ ⲡϣⲏⲣⲉ ⲙⲫⲁⲣⲛⲁⲕ</ab>
26 ⲡⲁⲣⲭⲱⲛ ⲛⲧⲉⲫⲩⲗⲏ ⲛⲛϣⲏⲣⲉ ⲛⲓⲉⲥⲥⲁⲭⲁⲣ ⲫⲁⲗⲇⲓⲏⲗ ⲡϣⲏⲣⲉ ⲛⲉⲥⲣⲓ</ab>
27 ⲡⲁⲣⲭⲱⲛ ⲛⲧⲉⲫⲩⲗⲏ ⲛⲁⲥⲥⲏⲣ ⲁⲭⲓⲱⲣ ⲡϣⲏⲣⲉ ⲛⲉⲗⲩⲙⲉⲓ</ab>
28 ⲡⲁⲣⲭⲱⲛ ⲛⲧⲉⲫⲩⲗⲏ ⲛⲛϣⲏⲣⲉ ⲛⲉⲫⲑⲁⲗⲉⲓⲙ ⲫⲁⲇⲁⲏⲗ ⲡϣⲏⲣⲉ ⲛⲃⲉⲙⲓⲟⲩⲇ</ab>
29 ⲛⲁⲓ ⲛⲉⲛⲧⲁⲡϫⲟⲉⲓⲥ ϫⲟⲟⲩ ⲉⲧⲃⲏⲏⲧⲟⲩ ⲉⲧⲣⲉⲩⲡⲱϣ ⲡⲕⲁϩ ⲛⲭⲁⲛⲁⲁⲛ ⲛⲁϩⲣⲛ ⲛϣⲏⲣⲉ ⲙⲡ</ab>