1 ⲁⲩⲱ ⲁⲡϫⲟⲉⲓⲥ ϣⲁϫⲉ ⲛⲁϩⲣⲙ ⲙⲱⲩⲥⲏⲥ ⲉϥϫⲱ ⲙⲙⲟⲥ</ab>
2 ϫⲉ ϩⲱⲛ ⲉⲧⲟⲟⲧⲟⲩ ⲛⲛϣⲏⲣⲉ ⲙⲡ ⲛⲅϫⲟⲟⲥ ⲛⲁⲩ ⲉⲕϫⲱ ⲙⲙⲟⲥ ϫⲉ ⲛⲁⲇⲱⲣⲟⲛ ⲛⲁⲧⲁⲉⲓⲟ ⲛⲁⲕⲁⲣⲡⲟⲥ ⲉⲩⲥⲧⲟⲓ ⲛⲥϯⲛⲟⲩⲃⲉ ⲉⲧⲉⲧⲛⲉⲧⲁⲗⲟⲟⲩ ⲛⲁⲓ ⲉϩⲣⲁⲓ ϩⲛ ⲛⲁϣⲁ</ab>
3 ⲁⲩⲱ ⲉⲕⲉϫⲟⲟⲥ ⲛⲁⲩ ϫⲉ ⲛⲁⲓ ⲛⲉ ⲛⲕⲁⲣⲡⲟⲥ ⲉⲧⲉⲧⲛⲉⲛⲧⲟⲩ ⲙⲡϫⲟⲉⲓⲥ ϩⲓⲉⲓⲃ ⲥⲛⲁⲩ ⲉⲛⲟⲩⲣⲟⲙⲡⲉ ⲉⲙⲛϫⲃⲓⲛ ϩⲓⲱⲟⲩ ⲉⲡⲉϩⲟⲟⲩ ⲉⲩϭⲗⲓⲗ ϩⲛ ⲟⲩⲙⲟⲩⲛ ⲉⲃⲟⲗ</ab>
4 ⲉⲕⲉⲧⲁⲙⲓⲉⲡⲟⲩⲁ ϩⲓⲉⲓⲃ ⲉϩⲧⲟⲟⲩⲉ ⲁⲩⲱ ⲉⲕⲉⲧⲁⲙⲓⲟ ⲡⲙⲉϩⲥⲛⲁⲩ ⲛϩⲓⲉⲓⲃ ⲙⲡⲛⲁⲩ ⲛⲣⲟⲩϩⲉ</ab>
5 ⲁⲩⲱ ⲉⲕⲉⲧⲁⲙⲓⲉⲡⲣⲉⲙⲏⲧ ⲙⲡϣⲓ ⲛⲥⲁⲙⲓⲧ ⲉϥⲧⲁⲙⲓⲏⲩ ϩⲛ ⲟⲩⲣⲁϥⲧⲱⲟⲩ ⲛϣⲓ ⲛⲛⲉϩ ⲉⲡⲉϭⲗⲓⲗ ⲙⲡⲙⲟⲩⲛ ⲉⲃⲟⲗ ⲉⲩⲑⲩⲥⲓⲁ</ab>
6 ⲧⲁⲓ ⲉⲧⲛⲁϣⲱⲡⲉ ϩⲣⲁⲓ ϩⲙ ⲡⲧⲟⲟⲩ ⲛⲥⲓⲛⲁ ⲉⲩⲥⲧⲟⲓ ⲛⲥϯⲛⲟⲩⲃⲉ ⲙⲡϫⲟⲉⲓⲥ</ab>
7 ⲁⲩⲱ ⲧⲉϥⲥⲡⲟⲛⲇⲏ ⲡⲣⲁϥⲧⲟⲟⲩ ⲙⲡϣⲓ ⲉⲡⲟⲩⲁ ϩⲓⲉⲓⲃ ϩⲣⲁⲓ ϩⲙ ⲡⲉⲧⲟⲩⲁⲁⲃ ⲉⲕⲉⲟⲩⲱⲧⲛ ⲉⲃⲟⲗ ⲛⲟⲩⲥⲡⲟⲛⲇⲏ ⲛⲥⲓⲕⲉⲣⲟⲛ ⲙⲡϫⲟⲉⲓⲥ</ab>
8 ⲁⲩⲱ ⲉⲕⲉⲧⲁⲙⲓⲉⲡⲙⲉϩⲥⲛⲁⲩ ⲛϩⲓⲉⲓⲃ ⲙⲡⲛⲁⲩ ⲛⲣⲟⲩϩⲉ ⲕⲁⲧⲁ ⲧⲉϥⲑⲩⲥⲓⲁ ⲁⲩⲱ ⲕⲁⲧⲁ ⲧⲉϥⲥⲡⲟⲛⲇⲏ ⲉⲧⲉⲧⲛⲉⲧⲁⲙⲓⲟϥ ⲛⲥⲧⲟⲓ ⲛⲥϯⲛⲟⲩⲃⲉ ⲙⲡϫⲟⲉⲓⲥ</ab>
9 ⲁⲩⲱ ϩⲣⲁⲓ ϩⲙ ⲡⲉϩⲟⲟⲩ ⲛⲛⲥⲁⲃⲃⲁⲧⲟⲛ ⲉⲧⲉⲧⲛⲉⲛϩⲓⲉⲓⲃ ⲥⲛⲁⲩ ⲉⲩϩⲛⲟⲩⲣⲟⲙⲡⲉ ⲛⲁⲧϫⲃⲓⲛ ⲁⲩⲱ ⲣⲉⲙⲏⲧ ⲥⲛⲁⲩ ⲛⲥⲁⲙⲓⲧ ⲉϥⲧⲁⲙⲓⲏⲩ ϩⲓ ⲛⲉϩ ⲉⲩⲑⲩⲥⲓⲁ ⲁⲩⲱ ⲧⲉⲥⲡⲟⲛⲇⲏ</ab>
10 ⲙⲛ ⲡϩⲟⲗⲟⲕⲁⲩⲧⲱⲙⲁ ⲛⲛⲥⲁⲃⲃⲁⲧⲟⲛ ϩⲣⲁⲓ ϩⲛ ⲛⲥⲁⲃⲃⲁⲧⲟⲛ ϩⲓϫⲙ ⲡⲉϭⲗⲓⲗ ⲛⲟⲩⲟⲉⲓϣ ⲛⲓⲙ ⲙⲛ ⲧⲉϥⲥⲡⲟⲛⲇⲏ</ab>
11 ⲁⲩⲱ ϩⲣⲁⲓ ϩⲛ ⲛⲥⲟⲩⲁ ⲉⲧⲉⲧⲛⲉⲛⲟⲩϭⲗⲓⲗ ⲙⲡϫⲟⲉⲓⲥ ⲙⲁⲥⲉ ⲥⲛⲁⲩ ⲉⲃⲟⲗ ϩⲛ ⲛⲉϩⲟⲟⲩ ⲟⲩⲟⲓⲗⲉ ⲥⲁϣϥ ⲛϩⲓⲉⲓⲃ ⲛⲟⲩⲣⲟⲙⲡⲉ ⲉⲙⲛϫⲃⲓⲛ ϩⲓⲱⲟⲩ</ab>
12 ϣⲟⲙⲛⲧ ⲛⲣⲉⲙⲏⲧ ⲛⲥⲁⲙⲓⲧ ⲉϥⲧⲁⲙⲓⲏⲩ ϩⲓ ⲛⲉϩ ⲉⲡⲟⲩⲁ ⲙⲁⲥⲉ ⲁⲩⲱ ⲥⲛⲁⲩ ⲛⲣⲉⲙⲏⲧ ⲛⲥⲁⲙⲓⲧ ⲉϥⲧⲁⲙⲓⲏⲩ ϩⲓ ⲛⲉϩ ⲉⲡⲟⲩⲁ ⲟⲓⲗⲉ</ab>
13 ⲁⲩⲱ ⲟⲩⲣⲉⲙⲏⲧ ⲛⲥⲁⲙⲓⲧ ⲉϥⲧⲁⲙⲓⲏⲩ ϩⲓ ⲛⲉϩ ⲉⲡⲟⲩⲁ ϩⲓⲉⲓⲃ ⲟⲩⲑⲩⲥⲓⲁ ⲛⲥⲧⲟⲓ ⲛⲥϯⲛⲟⲩⲃⲉ ⲉⲩⲕⲁⲣⲡⲟⲥ ⲙⲡϫⲟⲉⲓⲥ</ab>
14 ⲁⲩⲱ ⲧⲉⲩⲥⲡⲟⲛⲇⲏ ⲧⲡⲁϣⲉ ⲙⲡϣⲓ ⲛⲁϣⲱⲡⲉ ⲉⲡⲟⲩⲁ ⲙⲁⲥⲉ ⲁⲩⲱ ⲡⲣⲉϣⲟⲙⲛⲧ ⲙⲡϣⲓ ⲛⲁϣⲱⲡⲉ ⲉⲡⲟⲩⲁ ⲟⲓⲗⲉ ⲁⲩⲱ ⲡⲣⲉϥⲧⲟⲟⲩ ⲙⲡϣⲓ ⲛⲁϣⲱⲡⲉ ⲉⲡⲟⲩⲁ ϩⲓⲉⲓⲃ ⲡⲁⲓ ⲡⲉ ⲡϩⲟⲗⲟⲕⲁⲩⲧⲱⲙⲁ ⲟⲩⲉⲃⲟⲧ ⲉⲃⲟⲗ ϩⲛ ⲟⲩⲉⲃⲟⲧ ⲉⲛⲉⲃⲁⲧⲉ ⲛⲧⲉⲣⲟⲙⲡⲉ</ab>
15 ⲁⲩⲱ ⲟⲩϭⲓⲉ ⲉⲃⲟⲗ ϩⲛ ⲛⲃⲁⲁⲙⲡⲉ ϩⲁ ⲛⲟⲃⲉ ϩⲣⲁⲓ ϩⲓϫⲙ ⲡⲉϭⲗⲓⲗ ⲛⲟⲩⲟⲉⲓϣ ⲛⲓⲙ ⲉⲩⲉⲧⲁⲙⲓⲟϥ ⲙⲛ ⲧⲉϥⲥⲡⲟⲛⲇⲏ ⲙⲡϫⲟⲉⲓⲥ</ab>
16 ⲁⲩⲱ ϩⲣⲁⲓ ϩⲙ ⲡϣⲟⲣⲡ ⲛⲉⲃⲟⲧ ⲛⲥⲟⲩⲙⲛⲧⲁϥⲧⲉ ⲙⲡⲉⲃⲟⲧ ⲡⲡⲁⲥⲭⲁ ⲡⲉ ⲙⲡϫⲟⲉⲓⲥ</ab>
17 ⲁⲩⲱ ⲥⲟⲩⲙⲛⲧⲏ ⲙⲡⲉⲃⲟⲧ ⲡⲉ ⲡϣⲁ ⲛⲧⲉⲧⲛⲉⲟⲩⲉⲙⲁⲑⲁⲃ ⲛⲥⲁϣϥ ⲛϩⲟⲟⲩ</ab>
18 ⲁⲩⲱ ⲡϣⲟⲣⲡ ⲛϩⲟⲟⲩ ⲛⲁϣⲱⲡⲉ ⲛⲟⲩⲧⲱϩⲙ ⲉϥⲟⲩⲁⲁⲃ ⲛⲏⲧⲛ ⲛⲛⲉⲧⲛⲣⲗⲁⲁⲩ ⲛϩⲱⲃ ⲛϣⲙϣⲉ</ab>
19 ⲉⲧⲉⲧⲛⲉⲉⲛϩⲉⲛϩⲟⲗⲟⲕⲁⲩⲧⲱⲙⲁ ⲙⲛ ϩⲉⲛⲕⲁⲣⲡⲟⲥ ⲙⲡϫⲟⲉⲓⲥ ⲙⲁⲥⲉ ⲥⲛⲁⲩ ⲉⲃⲟⲗ ϩⲛ ⲛⲉϩⲟⲟⲩ ⲁⲩⲱ ⲟⲩⲟⲓⲗⲉ ⲙⲛ ⲥⲁϣϥ ⲛϩⲓⲉⲓⲃ ⲛⲟⲩⲣⲟⲙⲡⲉ ⲉⲙⲛϫⲃⲓⲛ ϩⲓⲱⲟⲩ ⲉⲩⲉϣⲱⲡⲉ ⲛⲏⲧⲛ</ab>
20 ⲁⲩⲱ ⲧⲉⲩⲑⲩⲥⲓⲁ ⲟⲩⲥⲁⲙⲓⲧ ⲉϥⲟⲩⲟϣⲙ ϩⲓ ⲛⲉϩ ϣⲟⲙⲛⲧ ⲛⲣⲉⲙⲏⲧ ⲉⲡⲟⲩⲁ ⲙⲙⲁⲥⲉ ⲁⲩⲱ ⲣⲉⲙⲏⲧ ⲥⲛⲁⲩ ⲉⲡⲟⲩⲁ ⲛⲟⲉⲓⲗⲉ</ab>
21 ⲟⲩⲣⲉⲙⲏⲧ ⲉⲕⲉⲧⲁⲙⲓⲟϥ ⲉⲡⲟⲩⲁ ⲛϩⲓⲉⲓⲃ ⲉⲡⲥⲁϣϥ ⲛϩⲓⲉⲓⲃ</ab>
22 ⲁⲩⲱ ⲟⲩϭⲓⲉ ⲉⲃⲟⲗ ϩⲛ ⲛⲃⲁⲁⲙⲡⲉ ϩⲁ ⲛⲟⲃⲉ ⲉⲧⲱⲃϩ ϩⲁⲣⲱⲧⲛ</ab>
23 ⲛⲃⲗ ⲡⲉϭⲗⲓⲗ ⲙⲡⲛⲁⲩ ⲛϣⲱⲣⲡ ⲛⲟⲩⲟⲉⲓϣ ⲛⲓⲙ ⲉⲧⲉⲡⲁⲓ ⲡⲉ ⲡϩⲟⲗⲟⲕⲁⲩⲧⲱⲙⲁ ⲛⲧⲉ ⲡⲙⲟⲩⲛ ⲉⲃⲟⲗ</ab>
24 ⲛⲁⲓ ⲉⲧⲉⲧⲛⲉⲧⲁⲙⲓⲟⲟⲩ ⲙⲡⲉϩⲟⲟⲩ ⲙⲡⲙⲉϩⲥⲁϣϥ ⲛϩⲟⲟⲩ ⲟⲩⲇⲱⲣⲟⲛ ⲙⲛ ⲟⲩⲧⲁⲗⲟ ⲛⲥϯⲛⲟⲩⲃⲉ ⲙⲡϫⲟⲉⲓⲥ ⲁⲩⲱ ⲡⲉϭⲗⲓⲗ ⲛⲟⲩⲟⲉⲓϣ ⲛⲓⲙ ⲉⲕⲉⲧⲁⲙⲓⲟ ϩⲓϫⲱϥ ⲛⲧⲉϥⲥⲡⲟⲛⲇⲏ</ab>
25 ⲁⲩⲱ ⲡⲙⲉϩⲥⲁϣϥ ⲛϩⲟⲟⲩ ⲉⲩⲉⲙⲟⲩⲧⲉ ⲉⲣⲟϥ ϫⲉ ⲡⲡⲉⲧⲟⲩⲁⲁⲃ ⲛⲏⲧⲛ ⲛⲛⲉⲧⲉⲛⲉⲣⲗⲁⲁⲩ ⲛϩⲱⲃ ⲛϣⲙϣⲉ ⲛϩⲏⲧϥ</ab>
26 ⲁⲩⲱ ⲡⲉϩⲟⲟⲩ ⲛⲃⲣⲣⲉ ⲉⲧⲉⲧⲛϣⲁⲛⲉⲓⲛⲉ ⲛϩⲏⲧϥ ⲛⲉⲑⲩⲥⲓⲁ ⲛⲃⲣⲣⲉ ⲛⲉⲛϩⲉⲃⲇⲱⲙⲁⲥ ⲙⲡϫⲟⲉⲓⲥ ⲉⲩⲉⲙⲟⲩⲧⲉ ⲉⲣⲟϥ ϫⲉ ⲛⲉⲧⲟⲩⲁⲁⲃ ⲛⲏⲧⲛ ⲛⲛⲉⲧⲉⲛⲉⲣⲗⲁⲁⲩ ⲛϩⲱⲃ ⲛϣⲙϣⲉ ⲛϩⲏⲧⲟⲩ</ab>
27 ⲉⲧⲉⲧⲛⲉⲉⲓⲛⲉ ⲛϩⲉⲛϭⲗⲓⲗ ⲛⲥϯⲛⲟⲩϥⲉ ⲙⲡϫⲟⲉⲓⲥ ⲙⲁⲥⲉ ⲥⲛⲁⲩ ⲉⲃⲟⲗ ϩⲛ ⲛⲉϩⲟⲟⲩ ⲟⲩⲟⲓⲗⲉ ⲥⲁϣϥ ⲛϩⲓⲉⲓⲃ ⲛⲟⲩⲣⲟⲙⲡⲉ ⲉⲙⲛϫⲃⲓⲛ ϩⲓⲱⲟⲩ</ab>
28 ⲁⲩⲱ ⲧⲉⲑⲩⲥⲓⲁ ⲟⲩⲥⲁⲙⲓⲧ ⲉϥⲟⲩⲟϣϥ ϩⲓ ⲛⲉϩ ϣⲟⲙⲛⲧ ⲛⲣⲉⲙⲏⲧ ⲉⲡⲟⲩⲁ ⲙⲙⲁⲥⲉ ⲁⲩⲱ ⲣⲉⲙⲏⲧ ⲥⲛⲁⲩ ⲉⲡⲟⲩⲁ ⲛⲟⲓⲗⲉ</ab>
29 ⲁⲩⲱ ⲟⲩⲣⲉⲙⲏⲧ ⲉⲡⲟⲩⲁ ⲛϩⲓⲉⲓⲃ</ab>
30 ⲁⲩⲱ ⲟⲩϭⲓⲉ ⲉⲃⲟⲗ ϩⲛ ⲛⲃⲁⲁⲙⲡⲉ ϩⲁ ⲛⲟⲃⲉ ⲉⲩⲑⲩⲥⲓⲁ ⲛⲟⲩϫⲁⲓ ϩⲁⲣⲱⲧⲛ</ab>
31 ⲛⲃⲗ ⲡⲉϭⲗⲓⲗ ⲛⲟⲩⲟⲉⲓϣ ⲛⲓⲙ ⲁⲩⲱ ⲧⲉⲩⲑⲩⲥⲓⲁ ⲉⲧⲉⲧⲛⲉⲧⲁⲙⲓⲟⲥ ⲛⲁⲓ ⲉⲩⲉϣⲱⲡⲉ ⲉⲩⲟⲩⲁⲁⲃ ⲛⲏⲧⲛ ⲁⲩⲱ ⲧⲉⲧⲛⲥⲡⲟⲛⲇⲏ</ab>