1 ⲁⲩⲱ ⲁϥⲛⲁⲩ ⲛϭⲓ ⲃⲁⲗⲁϩⲁⲙ ϫⲉ ⲟⲩⲡⲉⲧⲛⲁⲛⲟⲩϥ ⲙⲡⲉⲙⲧⲟ ⲉⲃⲟⲗ ⲙⲡϫⲟⲉⲓⲥ ⲡⲉ ⲥⲙⲟⲩ ⲉⲡ ⲙⲡϥⲃⲱⲕ ⲕⲁⲧⲁ ⲡⲉϥⲥⲱⲛⲧ ⲉⲧⲱⲙⲧ ⲉⲣⲟϥ ϩⲛ ⲟⲩⲙⲛⲧⲉⲣⲉϥϫⲓⲙⲁⲉⲓⲛ ⲁⲗⲗⲁ ⲁϥⲕⲱⲧⲉ ⲡⲉϥϩⲟ ⲉⲧⲉⲣⲏⲙⲟⲥ</ab>
2 ⲁⲩⲱ ⲁⲃⲁⲗⲁϩⲁⲙ ϥⲓ ⲛⲛⲉϥⲃⲁⲗ ⲉϩⲣⲁⲓ ⲁϥⲛⲁⲩ ⲉⲡ ⲉϥⲙⲟⲟϣⲉ ⲕⲁⲧⲁ ⲟⲩⲣϣⲉ ⲁⲩⲱ ⲁⲡⲉ ⲙⲡⲛⲟⲩⲧⲉ ϣⲱⲡⲉ ⲉϩⲣⲁⲓ ⲉϫⲱϥ</ab>
3 ⲁⲩϫⲓ ⲛⲧⲉϥⲡⲁⲣⲁⲃⲟⲗⲏ ⲡⲉϫⲁϥ ⲛϭⲓ ⲃⲁⲗⲁϩⲁⲙ ⲡϣⲏⲣⲉ ⲛⲃⲉⲱⲣ ⲡⲉϫⲁϥ ⲛϭⲓ ⲡⲣⲱⲙⲉ ⲉⲧⲉⲓⲱⲣϩ ⲛⲁⲙⲉ</ab>
4 ⲡⲁⲓ ⲉⲛⲧⲁϥⲛⲁⲩ ⲉⲑⲟⲣⲁⲥⲓⲥ ⲙⲡⲛⲟⲩⲧⲉ ϩⲛ ⲟⲩⲱⲃϣ ⲉⲣⲉⲛⲉϥⲃⲁⲗ ϭⲟⲗⲡ ⲉⲃⲟⲗ</ab>
5 ⲉϣϫⲉ ⲛⲁⲛⲟⲩⲛⲉⲕⲏⲉⲓ ⲓⲁⲕⲱⲃ ⲛⲉⲕⲥⲕⲏⲛⲏ ⲡ</ab>
6 ⲛⲑⲉ ⲛⲛⲉⲕⲣⲱⲟⲩ ⲉⲧⲟ ⲛϩⲁⲉⲓⲃⲉⲥ ⲁⲩⲱ ⲛⲑⲉ ⲛⲛⲡⲁⲣⲁⲇⲉⲓⲥⲟⲥ ⲉⲧϩⲓϫⲛⲛⲉⲓⲉⲣⲱⲟⲩ ⲁⲩⲱ ⲛⲑⲉ ⲛⲉⲓⲥⲕⲩⲛⲏ ⲛⲁⲓ ⲛⲧⲁⲡⲛⲟⲩⲧⲉ ⲡⲏⲥⲥⲉ ⲙⲙⲟⲟⲩ ⲁⲩⲱ ⲛⲑⲉ ⲛⲛⲉⲓⲕⲉⲇⲣⲟⲥ ⲉⲧϩⲓϫⲛⲙⲙⲟⲟⲩ</ab>
7 ⲁⲩⲱ ⲟⲩⲣⲱⲙⲉ ⲛⲏⲩ ⲉⲃⲟⲗ ϩⲙ ⲡⲉϥⲥⲡⲓⲣ ⲛϥⲣϫⲟⲉⲓⲥ ⲉⲩⲙⲏⲏϣⲉ ⲛϩⲉⲑⲛⲟⲥ ⲛϥϫⲓⲥⲉ ⲉϩⲟⲩⲉ ⲧⲙⲛⲧⲣⲣⲟ ⲛⲅⲱⲅ ⲁⲩⲱ ⲛⲥⲁⲩⲝⲁⲛⲉ ⲛϭⲓ ⲧⲉϥⲙⲛⲧⲣⲣⲟ</ab>
8 ϫⲉ ⲡⲛⲟⲩⲧⲉ ⲡⲉⲛⲧⲁϥϫⲓⲙⲟⲉⲓⲧ ϩⲏⲧϥ ⲉϥⲛⲏⲩ ⲉⲃⲟⲗ ϩⲛ ⲕⲏⲙⲉ ⲛⲑⲉ ⲙⲡⲉⲟⲟⲩ ⲙⲡⲙⲟⲛⲟⲅⲉⲣⲟⲥ ⲛⲁϥ ϫⲉ ϥⲛⲁⲟⲩⲱⲙ ⲛⲉⲛϩⲉⲑⲛⲟⲥ ⲙⲛ ⲛⲉϥϫⲓⲛϫⲉⲉⲩ ⲛϥⲟⲩⲱⲙ ⲟⲛ ⲛⲛⲉⲩⲛⲟⲙⲧⲉ ⲙⲛ ⲛⲉⲩⲁⲗⲧⲕⲁⲥ ϥⲛⲁⲥⲱⲙⲧ ⲙⲡⲉϥϫⲁϫⲉ ϩⲓⲧⲛ ⲛⲉϥⲥⲟⲧⲉ</ab>
9 ⲁϥⲣⲁⲕⲧϥ ⲁϥⲉⲙⲧⲟⲛ ⲙⲙⲟϥ ⲛⲑⲉ ⲛⲛⲉⲓⲙⲟⲩⲓ ⲛⲓⲙ ⲡⲉⲧⲛⲁϣⲧⲟⲩⲛⲟⲥϥ ⲛⲉⲧⲥⲙⲟⲩ ⲉⲣⲟⲕ ⲥⲉⲥⲙⲁⲙⲁⲁⲧ ⲁⲩⲱ ⲛⲉⲧⲥⲁϩⲟⲩ ⲙⲙⲟⲕ ⲥⲉⲥϩⲟⲩⲟⲣⲧ</ab>
10 ⲁⲃⲁⲣⲁⲕ ⲛⲟⲩϭⲥ ⲉϫⲛ ⲃⲁⲗⲁϩⲁⲙ ⲁϥⲣⲱϩⲧ ⲛⲛⲉϥϭⲓϫ ⲉϫⲛ ⲛⲉⲩⲉⲣⲏⲩ ⲁⲩⲱ ⲡⲉϫⲁϥ ⲛϭⲓ ⲃⲁⲣⲁⲕ ⲛⲃⲁⲗⲁϩⲁⲙ ϫⲉ ⲙⲛⲧⲁⲓⲙⲟⲩⲧⲉ ⲉⲣⲟⲕ ⲉⲥϩⲟⲩⲉⲣⲡⲁϫⲁϫⲉ ⲛⲁⲓ ⲁⲩⲱ ⲉⲓⲥ ϩⲏⲏⲧⲉ ϩⲛ ⲟⲩⲥⲙⲟⲩ ⲁⲕⲥⲙⲟⲩ ⲉⲣⲟϥ ⲡⲙⲉϩϣⲟⲙⲛⲧ ⲛⲥⲟⲡ ⲡⲉ ⲡⲁⲓ</ab>
11 ⲧⲉⲛⲟⲩ ϭⲉ ⲃⲱⲕ ⲉϩⲣⲁⲓ ⲉⲡⲉⲕⲙⲁ ⲛⲉⲁⲓϫⲟⲟⲥ ⲡⲉ ϫⲉ ϯⲛⲁⲧⲁⲓⲟⲕ ⲧⲉⲛⲟⲩ ϭⲉ ⲁⲡⲛⲟⲩⲧⲉ ⲁⲡⲟⲥⲧⲉⲣⲓ ⲙⲙⲟⲕ ⲉⲡⲉⲟⲟⲩ</ab>
12 ⲛⲧⲉⲣⲉⲃⲁⲗⲁϩⲁⲙ ⲙⲛ ⲃⲁⲣⲁⲕ ϫⲉ ⲛⲁⲓ ⲡⲉϫⲉⲃⲁⲗⲁϩⲁⲙ ⲛⲃⲁⲣⲁⲕ ϫⲉ ⲙⲏ ⲙⲡⲉⲓϫⲟⲟⲥ ⲉⲛⲉⲕⲃⲁⲓϣⲓⲛⲉ ⲛⲧⲁⲕⲧⲛⲛⲟⲟϫⲥⲟⲩ ϣⲁⲣⲟⲓ</ab>
13 ϫⲉ ⲉϣⲱⲡⲉ ⲉⲣϣⲁⲛⲃⲁⲣⲁⲕ ϯ ⲛⲁⲓ ⲙⲡⲉϥⲏⲓ ⲧⲏⲣϥ ⲉϥⲙⲏϩ ⲛⲛⲟⲩⲃ ϩⲓ ϩⲁⲧ ⲙⲛϭⲟⲙ ⲙⲙⲟⲓ ⲉⲡⲁⲣⲁⲃⲁ ⲙⲡϣⲁϫⲉ ⲙⲡϫⲟⲉⲓⲥ ⲉⲧⲣⲁⲁϥ ⲛⲟⲩⲡⲉⲑⲟⲟⲩ ⲏ ⲟⲩⲡⲉⲧⲛⲁⲛⲟⲩϥ ϩⲁⲣⲟⲓ ⲙⲁⲩⲁⲁⲧ</ab>
14 ⲡⲛⲟⲩⲧⲉ ⲛⲁϫⲟⲟⲩ ⲛⲁⲓ ⲛⲉϯⲛⲁⲧⲁⲩⲟⲟⲩ ⲁⲩⲱ ⲧⲉⲛⲟⲩ ϯⲛⲁⲡⲱⲧ ⲉϩⲣⲁⲓ ⲉⲡⲁⲙⲁ ⲁⲙⲟⲩ ⲧⲁϫⲓϣⲟϫⲛⲉ ⲛⲁⲕ ϫⲉ ⲉⲣⲉⲡⲉⲓⲗⲁⲟⲥ ⲛⲁⲣ ⲟⲩ ⲙⲡⲉⲕⲗⲁⲟⲥ ϩⲛ ⲑⲁⲏ ⲛⲛⲉϩⲟⲟⲩ</ab>
15 ⲁⲩⲱ ⲛⲧⲉⲣⲉϥⲕⲧⲟϥ ⲉⲧⲉϥⲡⲁⲣⲁⲃⲟⲗⲏ ⲡⲉϫⲁϥ ϫⲉ ⲡⲉϫⲉⲃⲁⲗⲁϩⲁⲙ ⲡϣⲏⲣⲉ ⲛⲃⲉⲱⲣ ⲡⲉϫⲉⲡⲣⲱⲙⲉ ⲉⲧⲓⲱⲣϩ ϩⲛ ⲟⲩⲙⲉ</ab>
16 ⲉⲧⲥⲱⲧⲙ ⲉⲛϣⲁϫⲉ ⲙⲡⲛⲟⲩⲧⲉ ⲉⲧⲥⲟⲟⲩⲧⲛ ⲛⲟⲩⲥⲃⲱ ⲉⲃⲟⲗ ϩⲓⲧⲙ ⲡⲉⲧϫⲟⲥⲉ ⲉⲧⲛⲁⲩ ⲉⲩϩⲟⲣⲁⲥⲓⲥ ⲛⲧⲉⲡⲛⲟⲩⲧⲉ ϩⲛ ⲟⲩϩⲓⲛⲏⲃ ⲉⲣⲉⲛⲉϥⲃⲁⲗ ϭⲟⲗⲡ ⲉⲃⲟⲗ</ab>
17 ϯⲛⲁⲧⲁⲩⲟϥ ⲁⲩⲱ ⲧⲉⲛⲟⲩ ⲟⲛ ϯⲛⲁⲥⲙⲟⲩ ⲁⲩⲱ ⲛϥⲛⲁϩⲱⲛ ⲉϩⲟⲩⲛ ⲁⲛ ⲟⲩⲛⲟⲩⲥⲓⲟⲩ ⲛⲁϣⲁ ⲉⲃⲟⲗ ϩⲛ ⲓⲁⲕⲱⲃ ⲁⲩⲱ ⲟⲩⲛⲟⲩⲣⲱⲙⲉ ⲛⲁⲧⲱⲟⲩⲛ ⲉⲃⲟⲗ ϩⲙ ⲡ ϥⲛⲁⲟⲩⲱϣϥ ⲛⲛⲁⲣⲭⲏⲅⲟⲥ ⲙⲙⲱⲁⲃ ϥⲛⲁϣⲱⲗ ⲛⲛϣⲏⲣⲉ ⲧⲏⲣⲟⲩ ⲉⲛⲥⲏⲑ</ab>
18 ⲉⲇⲱⲙ ϥⲛⲁϣⲱⲡⲉ ⲛⲟⲩⲕⲗⲏⲣⲟⲛⲟⲙⲓⲁ ⲏⲥⲁⲩ ⲡⲉϥϫⲁϫⲉ ϥⲛⲁϣⲱⲡⲉ ⲛⲟⲩⲕⲗⲏⲣⲟⲛⲟⲙⲉⲓⲁ ⲡ ⲇⲉ ⲁϥⲉⲓ ⲉϩⲣⲁⲓ ϩⲛ ⲟⲩϭⲟⲙ</ab>
19 ϥⲛⲁⲧⲱⲟⲩⲛ ⲉⲃⲟⲗ ϩⲛ ⲓⲁⲕⲱⲃ ⲛϥⲧⲁⲕⲟ ⲙⲡⲉⲧⲛⲁⲟⲩϫⲁⲓ ⲉⲃⲟⲗ ϩⲛ ⲧⲡⲟⲗⲓⲥ</ab>
20 ⲁⲩⲱ ⲛⲧⲉⲣⲉϥⲛⲁⲩ ⲉⲡⲁⲙⲁⲗⲏⲕ ⲁϥⲕⲟⲧϥ ⲉⲧⲉϥⲡⲁⲣⲁⲃⲟⲗⲏ ⲡⲉϫⲁϥ ϫⲉ ⲟⲩⲁⲣⲭⲏ ⲛⲧⲉ ⲛϩⲉⲑⲛⲟⲥ ⲡⲉ ⲡⲁⲙⲁⲗⲏⲕ ⲡⲉϥⲥⲡⲉⲣⲙⲁ ⲛⲁⲧⲁⲕⲟ</ab>
21 ⲁⲩⲱ ⲛⲧⲉⲣⲉϥⲛⲁⲩ ⲉⲕⲁⲓⲛⲉⲟⲥ ⲁϥⲕⲟⲧϥ ⲉⲧⲉϥⲡⲁⲣⲁⲃⲟⲗⲏ ⲡⲉϫⲁϥ ϫⲉ ϥϫⲟⲟⲣ ⲛϭⲓ ⲡⲉⲕⲙⲁⲛⲟⲩⲱϩ ⲁⲩⲱ ⲉⲕϣⲁⲛⲕⲁⲛⲉⲕϣⲏⲣⲉ ϩⲣⲁⲓ ϩⲛ ⲟⲩⲡⲉⲧⲣⲁ</ab>
22 ⲁⲩⲱ ⲉⲩϣⲁⲛϣⲱⲡⲉ ⲛⲃⲉⲱⲣ ⲛϭⲓ ϩⲉⲛϣⲏⲣⲉ ⲙⲡⲁⲛⲟⲩⲣⲅⲟⲥ ⲛⲁⲥⲥⲩⲣⲓⲟⲥ ⲛⲁⲁⲓⲭⲙⲁⲗⲱⲧⲉⲩⲉ ⲙⲙⲟⲕ</ab>
23 ⲁⲩⲱ ⲁϥⲕⲟⲧϥ ⲟⲛ ⲉⲧⲉϥⲡⲁⲣⲁⲃⲟⲗⲏ ⲡⲉϫⲁϥ ϫⲉ ⲱ ⲛⲓⲙ ⲡⲉⲧⲛⲁϣⲱⲡⲉ ⲉⲣϣⲁⲛⲡⲛⲟⲩⲧⲉ ⲕⲁⲛⲁⲓ</ab>
24 ⲁⲩⲱ ϥⲛⲏⲩ ⲉⲃⲟⲗ ϩⲛ ⲛϭⲓϫ ⲉⲛϭⲓⲇⲣⲉⲱⲥ ⲛⲥⲉⲑⲙⲕⲟ ⲛⲛⲁⲥⲥⲟⲩⲣ ⲥⲉⲛⲁⲙⲉⲕϩ ⲛϩⲉⲃⲣⲁⲓⲟⲥ ⲁⲩⲱ ⲛⲧⲟⲟⲩ ϩⲓ ⲟⲩⲥⲟⲡ ⲥⲉⲛⲁⲧⲁⲕⲟ</ab>
25 ⲛⲧⲉⲣⲉⲃⲁⲗⲁϩⲁⲙ ⲇⲉ ⲧⲱⲟⲩⲛ ⲁϥⲃⲱⲕ ⲁϥⲕⲧⲟϥ ⲉϩⲣⲁⲓ ⲉⲡⲉϥⲙⲁ ⲃⲁⲗⲁⲕ ϩⲱⲱϥ ⲁϥⲕⲧⲟϥ ⲉϩⲣⲁⲓ ⲉⲡⲉϥⲏⲓ</ab>