1 ⲡϣⲁϫⲉ ⲛⲧⲁϥϣⲱⲡⲉ ⲉϫⲛ ⲏⲥⲁⲓⲁⲥ ⲡϣⲏⲣⲉ ⲛϩⲁⲙⲟⲥ ⲉⲧⲃⲉ ϯⲟⲩⲇⲁⲓⲁ ⲙⲛ ⲑⲓⲉⲣⲟⲩⲥⲁⲗⲏⲙ</ab>
2 ϫⲉ ⲡⲧⲟⲟⲩ ⲙⲡϫⲟⲉⲓⲥ ⲛⲁϣⲱⲡⲉ ⲉϥⲟⲩⲟⲛϩ ⲉⲃⲟⲗ ϩⲛ ⲑⲁⲏ ⲛⲛⲉϩⲟⲟⲩ ⲁⲩⲱ ⲡⲏⲓ ⲙⲡⲛⲟⲩⲧⲉ ⲉϫⲛ ⲧⲁⲡⲉ ⲛⲛⲧⲟⲟⲩ ⲁⲩⲱ ϥⲛⲁϫⲓⲥⲉ ⲉϫⲛ ⲛⲥⲓⲃⲧ ⲁⲩⲱ ⲛϩⲉⲑⲛⲟⲥ ⲧⲏⲣⲟⲩ ⲛⲏⲩ ⲉϫⲱϥ</ab>
3 ⲁⲩⲱ ⲙⲙⲏⲏϣⲉ ⲉⲧⲛⲁϣⲱⲟⲩ ⲛⲁⲙⲟⲟϣⲉ ⲛⲥⲉϫⲟⲟⲥ ϫⲉ ⲁⲙⲏⲓⲧⲛ ⲛⲧⲛⲃⲱⲕ ⲉϩⲣⲁⲓ ⲉⲡⲧⲟⲟⲩ ⲙⲡϫⲟⲉⲓⲥ ⲁⲩⲱ ⲉϩⲣⲁⲓ ⲉⲡⲏⲓ ⲙⲡⲛⲟⲩⲧⲉ ⲛⲓⲁⲕⲱⲃ ⲛϥϫⲱ ⲛⲁⲛ ⲛⲧⲉϥϩⲓⲏ ⲛⲧⲛⲙⲟⲟϣⲉ ϩⲣⲁⲓ ⲛϩⲏⲧⲥ ⲉⲣⲉⲡⲛⲟⲙⲟⲥ ⲅⲁⲣ ⲛⲏⲩ ⲉⲃⲟⲗ ϩⲛ ⲥⲓⲱⲛ ⲁⲩⲱ ⲡϣⲁϫⲉ ⲙⲡϫⲟⲉⲓⲥ ⲉⲃⲟⲗ ϩⲛ ⲑⲓⲉⲣⲟⲩⲥⲁⲗⲏⲙ</ab>
4 ⲁⲩⲱ ϥⲛⲁⲕⲣⲓⲛⲉ ⲛⲧⲙⲏⲧⲉ ⲛϩⲉⲛϩⲉⲑⲛⲟⲥ ⲉⲛⲁϣⲱⲟⲩ ⲁⲩⲱ ϥⲛⲁϫⲡⲉⲓⲟ ⲛⲟⲩⲗⲁⲟⲥ ⲉϥⲟϣ ⲛⲥⲉⲟⲩⲱⲧϩ ⲛⲛⲉⲩⲥⲏⲃⲉ ⲉϩⲉⲛϩⲃⲃⲉ ⲁⲩⲱ ⲛⲉⲩϫⲃⲏⲗ ⲉϩⲉⲛⲟϩⲥ ⲛⲧⲉⲧⲙϩⲉⲑⲛⲟⲥ ⲁⲙⲁϩⲧⲉ ⲛⲥⲏⲃⲉ ⲉϫⲛ ϩⲉⲑⲛⲟⲥ ⲁⲩⲱ ⲛⲥⲉⲧⲙϫⲓⲥⲃⲱ ϭⲉ ⲉⲙⲓϣⲉ</ab>
5 ⲧⲉⲛⲟⲩ ϭⲉ ⲛⲧⲟⲕ ⲡⲏⲓ ⲛⲓⲁⲕⲱⲃ ⲁⲙⲏⲉⲓⲧⲛ ⲛⲧⲛⲃⲱⲕ ϩⲙ ⲡⲟⲩⲟⲉⲓⲛ ⲙⲡϫⲟⲉⲓⲥ</ab>
6 ⲁϥⲃⲱϣ ⲅⲁⲣ ⲙⲡⲉϥⲗⲁⲟⲥ ⲡⲏⲓ ⲙⲡⲓⲏⲗ ϫⲉ ⲁⲧⲉⲩⲭⲱⲣⲁ ⲙⲟⲩϩ ⲛⲣⲉϥϫⲓⲙⲁⲉⲓⲛ ⲛⲑⲉ ⲛⲧⲁⲛⲁⲗⲗⲟⲫⲩⲗⲟⲥ ⲛⲑⲉ ⲛϣⲟⲣⲡ ⲁⲩⲱ ⲁϩⲁϩ ⲛϣⲏⲣⲉ ⲛⲁⲗⲗⲟⲫⲩⲗⲟⲥ ϣⲱⲡⲉ ⲛⲁⲩ</ab>
7 ⲁⲧⲉⲩⲭⲱⲣⲁ ⲙⲟⲩϩ ⲛϩⲁⲧ ϩⲓ ⲛⲟⲩⲃ ⲁⲩⲱ ⲛⲉⲙⲛⲏⲡⲉ ⲛⲛⲉⲩⲁϩⲱⲱⲣ ⲁⲩⲱ ⲁⲡⲉⲩⲕⲁϩ ⲙⲟⲩϩ ⲛϩⲧⲟ ϩⲓ ϩⲟⲣⲙⲁ ⲁⲩⲱ ⲛⲉⲙⲛⲏⲡⲉ ⲛⲛⲉⲩϩⲁⲣⲙⲁ</ab>
8 ⲁⲩⲱ ⲁⲡⲕⲁϩ ⲙⲟⲩϩ ⲉⲃⲟⲗ ϩⲛ ⲛⲉⲃⲟⲧⲉ ⲛⲛⲉϩⲃⲏⲩⲉ ⲛⲛⲉⲩϭⲓϫ ⲁⲩⲱ ⲁⲩⲟⲩⲱϣⲧ ⲛⲛⲉⲛⲧⲁⲛⲉⲩⲧⲏⲏⲃⲉ ⲧⲁⲙⲓⲟⲟⲩ</ab>
9 ⲁⲡⲣⲱⲙⲉ ⲡⲁϩⲧϥ ⲁⲡϩⲣϣⲓⲣⲉ ⲑⲃⲃⲓⲟ ⲁⲩⲱ ⲛⲛⲁⲕⲁⲁⲩ ⲉⲃⲟⲗ</ab>
10 ⲧⲉⲛⲟⲩ ⲇⲉ ⲃⲱⲕ ⲉϩⲟⲩⲛ ⲉⲛⲡⲉⲧⲣⲁ ⲛⲧⲉⲧⲛϩⲉⲡⲧⲏⲩⲧⲛ ϩⲙ ⲡⲕⲁϩ ⲙⲡⲉⲙⲧⲟ ⲉⲃⲟⲗ ⲛⲑⲟⲧⲉ ⲙⲡϫⲟⲉⲓⲥ ⲁⲩⲱ ⲙⲡⲉⲙⲧⲟ ⲉⲃⲟⲗ ⲙⲡⲉⲟⲟⲩ ⲛⲧⲉϥϭⲟⲙ ϩⲟⲧⲁⲛ ⲉϥϣⲁⲛⲧⲱⲟⲩⲛ ⲉⲟⲩⲱϣϥ ⲙⲡⲕⲁϩ</ab>
11 ⲛⲃⲁⲗ ⲅⲁⲣ ⲙⲡϫⲟⲉⲓⲥ ϫⲟⲥⲉ ⲡⲣⲱⲙⲉ ⲇⲉ ⲑⲃⲃⲓⲏⲩ ⲁⲩⲱ ⲡϫⲓⲥⲉ ⲛⲛⲣⲱⲙⲉ ⲛⲁⲑⲃⲃⲓⲟ ⲛⲧⲉⲡϫⲟⲉⲓⲥ ⲙⲁⲩⲁⲁϥ ϫⲓⲥⲉ ϩⲙ ⲡⲉϩⲟⲟⲩ ⲉⲧⲙⲙⲁⲩ</ab>
12 ⲡⲉϩⲟⲟⲩ ⲅⲁⲣ ⲙⲡϫⲟⲉⲓⲥ ⲥⲁⲃⲁⲱⲑ ⲛⲏⲩ ⲉϫⲛ ⲣⲉϥⲥⲱϣ ⲛⲓⲙ ϩⲓ ϫⲁⲥⲓϩⲏⲧ ⲁⲩⲱ ⲉϫⲛ ⲟⲩⲟⲛ ⲛⲓⲙ ⲉⲧϫⲟⲥⲉ ⲁⲩⲱ ⲉⲧϩⲗⲟⲩⲗⲱⲟⲩ ⲁⲩⲱ ⲛⲥⲉⲑⲃⲃⲓⲟ</ab>
13 ⲁⲩⲱ ⲉϫⲛ ⲕⲉⲇⲣⲟⲥ ⲛⲓⲙ ⲙⲡⲗⲓⲃⲁⲛⲟⲥ ⲉⲧϫⲟⲥⲉ ⲁⲩⲱ ⲉⲧϩⲗⲟⲩⲗⲱⲟⲩ ⲁⲩⲱ ⲉϫⲛ ϣⲏⲛ ⲛⲓⲙ ⲛⲃⲁⲗⲁⲛⲟⲥ ⲛⲧⲉ ⲧⲃⲁⲥⲁⲛ</ab>
14 ⲁⲩⲱ ⲉϫⲛ ⲧⲟⲟⲩ ⲛⲓⲙ ⲙⲛ ⲥⲓⲃⲧ ⲛⲓⲙ ⲉⲧϫⲟⲥⲉ</ab>
15 ⲁⲩⲱ ⲉϫⲙ ⲡⲩⲣⲅⲟⲥ ⲛⲓⲙ ⲉⲧϫⲟⲥⲉ ⲁⲩⲱ ⲉϫⲛ ⲥⲟⲃⲧ ⲛⲓⲙ ⲉⲧϫⲟⲥⲉ</ab>
16 ⲁⲩⲱ ⲉϫⲛ ϫⲟⲓ ⲛⲓⲙ ⲛⲑⲁⲗⲁⲥⲥⲁ ⲁⲩⲱ ⲉϫⲙ ⲡⲛⲁⲩ ⲛϫⲟⲓ ⲛⲓⲙ ⲛⲧⲉⲡⲥⲁ</ab>
17 ⲛⲧⲉⲡⲣⲱⲙⲉ ⲛⲓⲙ ⲑⲃⲃⲓⲟ ⲛⲧⲉⲡϫⲓⲥⲉ ⲛⲛⲣⲱⲙⲉ ϩⲉ ⲛⲧⲉⲡϫⲟⲉⲓⲥ ϫⲓⲥⲉ ⲙⲁⲩⲁⲁϥ ϩⲙ ⲡⲉϩⲟⲟⲩ ⲉⲧⲙⲙⲁⲩ</ab>
18 ⲁⲩⲱ ⲥⲉⲛⲁϩⲱⲡ ⲛⲛⲉⲩⲙⲟⲩⲛⲅ ⲛϭⲓϫ ⲧⲏⲣⲟⲩ</ab>
19 ⲉⲁⲩϫⲓⲧⲟⲩ ⲉϩⲟⲩⲛ ⲉⲛⲉⲙϩⲁⲁⲩ ⲙⲛ ⲙⲡⲱϩ ⲛⲙⲡⲉⲧⲣⲁ ⲁⲩⲱ ⲉⲛⲉⲛⲉϣⲕⲟⲗ ⲙⲡⲕⲁϩ ⲙⲡⲉⲙⲧⲟ ⲉⲃⲟⲗ ⲛⲑⲟⲧⲉ ⲙⲡϫⲟⲉⲓⲥ ⲁⲩⲱ ⲉⲃⲟⲗ ϩⲙ ⲡⲉⲟⲟⲩ ⲛⲧⲉϥϭⲟⲙ ⲉϥϣⲁⲛⲧⲱⲟⲩⲛ ⲉⲟⲩⲉϣϥⲡⲕⲁϩ</ab>
20 ϩⲙ ⲡⲉϩⲟⲟⲩ ⲅⲁⲣ ⲉⲧⲙⲙⲁⲩ ⲡⲣⲱⲙⲉ ⲛⲁⲛⲟⲩϫⲉ ⲉⲃⲟⲗ ⲛⲛⲉϥⲃⲟⲧⲉ ⲛϩⲁⲧ ⲙⲛ ⲛⲛⲟⲩⲃ ⲛⲧⲁⲩⲧⲁⲙⲓⲟⲟⲩ ⲉⲟⲩⲱϣⲧ ⲛⲙⲡⲉⲧϣⲟⲩⲉⲓⲧ ⲙⲛ ⲛϭⲓⲛϭⲗⲱ</ab>
21 ⲉⲃⲱⲕ ⲉϩⲟⲩⲛ ⲉⲛⲉϣⲕⲟⲗ ⲛⲧⲡⲉⲧⲣⲁ ⲉⲧⲛⲁϣⲧ ⲁⲩⲱ ⲉⲛⲟⲩⲱϣ ⲛⲙⲡⲉⲧⲣⲁ ⲙⲡⲉⲙⲧⲟ ⲉⲃⲟⲗ ⲛⲑⲟⲧⲉ ⲙⲡϫⲟⲉⲓⲥ ⲁⲩⲱ ⲉⲃⲟⲗ ⲙⲡⲉⲟⲟⲩ ⲛⲧⲉϥϭⲟⲙ ⲉϥϣⲁⲛⲧⲱⲟⲩⲛ ⲉⲟⲩⲉϣϥⲡⲕⲁϩ</ab>
22 <gap reason=""/>