1 Ay hundoo, albarka tee Abadantaa se!
2 Nʼga annuura daŋ ni ga sanda darbay beeri,
3 A ga nga hugu-izey cin sooraa ga harey boŋ,
4 A ga hewey tee nga dontokey,
5 A ga laboo gorandi nga asaasoo ra,
6 Nʼna haroo kʼa daabu sanda darbay,
7 Ni zahã i ga, i ga zuru,
8 Tondi hondey tun, goorey yee ganda,
9 Nʼna kanje daŋ kaŋ ga harey masi bisa,
10 Nʼga hari hundogoo haroo sanba goorey ra
11 I ga ganjihoogawey kul haŋandi,
12 Beenaa cirawey ga goro harey jere
13 A goo sooraa hugu-izey ra beene a ga tondi hondey haŋandi,
14 A ga suboo zayandi adabbawey se,
15 nda alaneb hari moora kaŋ ga adamize binoo ɲaalandi,
16 Abadantaa tuurey kungu,
17 No din ra cirawey ga ngi tejey tee,
18 Tondi hondu beerey manʼti kala ganjihanciney wane,
19 A na handoo tee ka waatoo kaa cere ra,
20 Nda ni kate kubaa, cijinoo too
21 Ganjihayla soogey ga booro ngi hamoo bande,
22 Waynaa fatta, i koy
23 Adamize ga fatta ka koy nga goydogoo ra,
24 Abadantaa, ni teegoyey ga boobo!
25 Teekoo ne kaŋ ga beeri a ga hay nongu kul here,
26 No din ra harihiyey ga dira,
27 I kul naataa sii kala ni ra
28 Nʼgʼa noo i se, i gʼa kuuna,
29 Nʼna ni ndumoo bere i se, i ga hunbur,
30 Nʼga ni hundoo sanba, i ga takandi,
31 Yala Abadantaa daržaa ma bara hala abada!
32 A ga laboo guna, laboo ga jijiri,
33 Kullihinne ay ga huna, ay ga don Abadantaa se,
34 Yala ay miileyanoo ma kan a se!
35 Yala zunubantey ma dere ka hun laboo ga,