1 Lakkal na nga hugoo cin,
2 A na nga adabbaa koosu,
3 A na nga koŋŋey noo dontay,
4 «May ti boŋbii?
5 «Wa kaa, ir ma ŋaa,
6 Wa fay nda boŋbiitaray, war ga huna,
7 Boro kaŋ na ɲooɲokaw hoyray ga kayna,
8 Masi ɲooɲokaw daŋ fondaa ra, a ga ni konnay,
9 Lakkalkoyni noo hoyray, a ga duu lakkal ka tonton,
10 Ka hunbur Abadantaa ti lakkal šintinoo,
11 Zama agay, lakkal bande ni aloomuroo ga boobo,
12 Nda ni tee lakkalkoyni, ni tiya ni boŋ se,
13 Woy lakkal jaŋante si kay nongu foo.
14 A ga goro nga hugoo miɲoo ga,
15 ka bisakey cee
16 «May ti boŋbii?
17 «Hari kaŋ boro nʼa zay haŋyanoo ga kan,
18 Boro kaŋ yadda a se si bay kaŋ nga do ti bukawey dogoo,