1 Masi fooma nda suba,
2 Naŋ boro foo ma ni saabu, masi ni boŋ saabu,
3 Tondi ga tiŋ, labutaasi ga tiŋ,
4 Futay ga tun, bine tunyan ga laala,
5 Ka boro teje kaaray ga baa baji tugante.
6 Ni baakaa ma cimi har ma ne ka ni dor
7 Boro kaŋ kungu ga yuu gani taama,
8 Boro kaŋ na nga dogoo naŋ ka koy yaara nongu mooro ra,
9 Jii nda dugu ga bine kaanandi,
10 Masi ni ceroo naŋ, masi ni baaba ceroo naŋ,
11 Ay izʼaroo, duu lakkal mʼay binoo ɲaalandi,
12 Boro carma ga dii bonaa, a ga tugu,
13 Nga darbaa dii, zama a nka nga boŋ tolme,
14 Boro kaŋ biya ka nga jindoo jer ka gaara nga cinaa se,
15 Ndorro kaŋ si fay nda ka doo ncirɲi zaari hane,
16 Boro kaŋ ga hin ka woyoo woo ganji, ga hin ka hew ganji,
17 Guuru no ma guuru kaanandi,
18 Boro kaŋ na jeejayɲaa saajaw ga izey ŋaa,
19 Nda nʼna hari guna, nʼga dii a ra ni ndumoo,
20 Alaahara nda alaaharaa guusoo si kungu,
21 Nzorfu kaaray ga mennandi botol ra,
22 Ba nda nʼna lakkal jaŋante dur tinda ra nda hinji attamoo ra,
23 Ma hanse ka ni feejey affoo kul bay,
24 zama alman si cindi hala abada,
25 Nda subu kogaa dogandi, nda subu firzoo zay,
26 nʼgoo nda feeji ka ni boŋ bankaaray,
27 Hanciney wawaa ga wasa ni ŋaayanoo se