1 «Hawgay! Nga here haya kul kaŋ nʼnʼa hongu manʼti kala yaada,
2 Boro kul sii nda bine kʼa tooɲe,
3 May mʼay hãa garaw hala yʼa yeeti a se?
4 Ay si dangay haya kaŋ ti nga kunturoo here,
5 May ka nga bankaaraa kaa a ga?
6 May ka hin ka miɲoo feeri?
7 Koray gaabante bolsantey
8 I ga denja-denja cere ga,
9 I ga hawa cere ga,
10 Nga tišawyaney ga gaay tee,
11 Nuune deeneyaŋ no ma fatta miɲoo ra,
12 Dullu no ma fatta niiney ra
13 Nga meehewoo ga denji bibi diinandi,
14 Gaabi goo jindoo ra,
15 Nga gaahamoo taabarey goo cere ga,
16 Binoo ga šendi sanda tondi,
17 Nga jine ba hinikoyey ga hunbur,
18 Ka too a do nda takuba, wala yaaji,
19 Guuru ga hima nda a se sanda subu,
20 Biraw sʼa zurandi,
21 Gobu ga hima a se subu,
22 Ponti mee cuutayaŋ goo a cire
23 A ga hari guusaa zargandi sanda kusu,
24 A ga farru kaŋ ra gaay goo naŋ nga dumaa ga,
25 Boro kul si tee a se boŋkoyni laboo ga,
26 A ga takahaya beerey kul tenje kʼi guna,