1 «Nʼga waatoo bay kaŋ ra ganjihanciney ga hay wala?
2 Nʼga handey hinnaa bay kaŋ izey gʼa tee gundey ra wala?
3 I ga gunguma ka ize hay
4 Ngi izey ga duu gaabi ka beeri hawsaa ra,
5 May ka ganjifarkaa naŋ a ma koy?
6 Ay na ganganoo tee nga hugoo,
7 A ga haaru koyraa wurroo ra,
8 A ga tondi hondey dira ka nga ŋaahayaa ceeci,
9 Ganjihaw ga yadda ka goy ma ne wala?
10 Nʼga ganjihaw haw hala a ma beeri ma ne wala?
11 Nʼga felle a ga, zama a goo nda gaabi beeri wala?
12 Nʼga naanay a kaŋ a ga kate ni taasoo kul
13 Taatagay fatawey ga kobi nda ɲaaliyan,
14 Amma taatagay ga nga guurey fur laboo ra kʼi naŋ,
15 A ga dirɲa kaŋ cee ga hin kʼi motti,
16 A ga šendandi nga izey ga sanda manʼti nga izey no,
17 Zama Irkoy nʼa jaŋandi lakkal,
18 Waati kaŋ a tun ka sar,
19 Ni no ma bari noo gaabi,
20 Ni no ma kate a ma sar sanda ndoo?
21 A ga zankam gooroo ra,
22 A ga hunburay ɲooɲo, binoo si dunbu,
23 Nga ga wongu jinawey kaŋ hun tongoo ra ga kara-kara,
24 A sar nda gaabi, a ga farroo gon.
25 Waati kaŋ hilloo ga hẽe, a mma nee: ‹Ir ma koy!›
26 Ni lakkaloo no ma kate algabu ga deeši
27 Ni yaamaroo ga, dutal ga deeši beene
28 Tondey ti nga gorodogoo, ngi ra a ga cijinoo tee,
29 No din ga a ga nga ŋaahayaa monno,
30 Nga izey ga kuri haŋ,